Amen

Naraj naxye “jo’kan taxaq” malaj “chi jo’kan.” Nayeeman amen rik’in kawil ch’oolej malaj rik’in tiikil jolomej re xk’ulub’ankil (Deut. 27:14–26) malaj re xk’utb’al naq yaal jun li na’leb’ (1 Rey. 1:36). Anajwan sa’ xraqik jun li tij, li ch’olob’ank, malaj jun li aatin, eb’ li xe’ab’ink re li tij malaj li aatin neke’xye amen chi kaw xyaab’eb’ xkux, re xk’utb’al xyaalal naq neke’xk’ulub’a.

Sa’ xkutankil li Najter Chaq’rab’, ani nayehok re jun xaqxookil aatin tento tixye amen (1 Kro. 16:7, 35–36; Neh. 5:12–13; 8:2–6). Li Kristo a’an “li amen, laj yehol nawom chaab’il ut paab’ajel” nayeeman re (Apok. 3:14). Amen kik’anjelak ajwi’ choq’ reetalil li sumwank sa’ li Tzoleb’aal reheb’ li profeet (Tz. ut S. 88:133–135).