Jueces (eb’ laj k’amol b’e)

Jun li hu sa’ li Najter Chaq’rab’. Li hu Jueces naxye resileb’ laj Israelita chalen chaq xkamik laj Josue toj reetal lix yo’lajik laj Samuel.

Sa’eb’ li ch’ol 1–3 wan xtiklajik chixjunil li hu Jueces. Yeeb’il xyaalal naq rik’in naq eb’ laj Israelita ink’a’ ke’risiheb’ chaq li xik’ neke’ilok reheb’ (Jue. 1:16–35), wan li rahilal te’xk’ul: xsachik lix paab’aaleb’, li sumlaak rik’ineb’ li ink’a’ neke’paab’an, ut li loq’onink pak’b’il dios. Eb’ li ch’ol 4–5 neke’xye resil li xDebora ut laj Barak, li ke’xkoleb’ laj Israelita chiruheb’ laj Kanahanita. Eb’ li ch’ol 6–8 neke’xye resil li kixk’ul laj Jedehon, li ki’osob’tesiik xb’aan li Qaawa’ re tixkol Israel chiruheb’ laj Madianita. Sa’eb’ li ch’ol 9–12, wankeb’ junjunq li winq li ke’wan choq’ aj raqol aatin sa’ Israel chiru xkutankil naq lix k’ihaleb’ laj Israel ke’wan sa’ li q’etok paab’ank ut chi awa’b’ejinb’ileb’ xb’aaneb’ aj taqlanel jalaneb’ xtenamit. Sa’eb’ li ch’ol 13–16 yeeb’il resil lix waklijik ut lix t’anik li roso’jik reheb’ laj raqol aatin, aj Sanson. Eb’ li ch’ol sa’ roso’jik, 17–21, wankeb’ choq’ xtiqb’al ru li hu, li yeeb’il wi’ resil chanru xnimal lix maakeb’ laj Israel.