Malakias (Malaquias)

Lix hu malaj lix profeetil aatin laj Malakias a’an li hu aj ch’otonel re li Najter Chaq’rab’. Kaahib’ paay li na’leb’ wankeb’ sa’ li hu: (1) eb’ lix maak li tenamit Israel—Mal. 1:6–2:17; 3:8–9; (2) eb’ li raqb’a-aatin te’chalq sa’ xb’een Israel xb’aan li q’etok aatin xe’xb’aanu—Mal. 1:14; 2:2–3, 12; 3:5; (3) li k’a’ru yeechi’inb’il wi te’ab’inq chiru li chaq’rab’—Mal. 3:10–12, 16–18; 4:2–3; ut (4) li profeetil aatin chirix li tenamit Israel—Mal. 3:1–5; 4:1, 5–6 (Tz. ut S. 2; 128:17; JS—R 1:37–39).

Sa’ lix profeetil aatin, laj Malakias kitz’iib’ak chirix laj Jwan aj Kub’sihom Ha’ (Mal. 3:1; Mat. 11:10), li chaq’rab’ re li lajetqil (Mal. 3:7–12), li xkab’ xk’ulunik li Qaawa’ (Mal. 4:5), ut lix sutq’ijik laj Elias (Mal. 4:5–6; Tz. ut S. 2; 128:17; JS—R 1:37–39). Li Kolonel kixye chixjunil li ch’ol 3 ut 4 re laj Malakias chiruheb’ laj Nefita (3 Ne. 24–25).