Chaq’rab’ re laj Moises

Li Dios rik’in xtz’uumal re laj Moises kixk’eheb’ li chaq’rab’ re lix junkab’al laj Israel, ruuchil li taqenaqil chaq’rab’ li ink’a’ ke’xpaab’ (Exo. 34; JJS, Exo. 34:1–2; JJS, Deut. 10:2 [apendice]). Sa’ lix chaq’rab’ laj Moises wankeb’ k’iila raqal chi na’leb’, taqlahom, yeeb’il aatin, k’uub’anb’il k’anjel, ut eetalil re xjultikankil re li tenamit lix k’anjeleb’ ut li k’a’ru teneb’anb’il sa’ xb’eeneb’. Sa’ a’an wankeb’ li chaq’rab’ chirix li chaab’il wank, li tiikilal, li paab’aal, ut li tz’ejwalejil taqlahom ut b’aanuhom—jo’ li mayejak (Lev. 1–7)—li wan chixjultikankil reheb’ li Dios ut lix teneb’ankileb’ chiru (Mos. 13:30). Li Paab’aal, li jalb’a-k’a’uxlej, li kuub’iha’ sa’ li ha’, ut li risinkil li maak wankeb’ sa’ li chaq’rab’, jo’ ajwi’ li lajeeb’ chi taqlahom, ut naab’al chik li taqlahom li nim xloq’aleb’ re xtzolb’al ut xb’aanunkil li k’a’ru chaab’il. Naab’al li chaq’rab’ chirix li k’a’ru taab’aanumanq kitz’aqob’resiman ru rik’in lix kamik ut lix waklijik li Jesukristo chi yo’yo, rik’in li ki’oso’ wi’ li mayejak rik’in li hoyok kik’ (Alma 34:13–14). Li chaq’rab’ kiwan chi k’anjelanb’il rub’el li Tijonelil re Aaron, ut a’an jun evangelio re kawresink, re xk’amb’aleb’ chaq li ani neke’taaqenk re rik’in li Kristo.