Bahal

Jun dios teelom re li saq’e, loq’oninb’il xb’aaneb’ laj Sidon sa’ Fenicia (1 Rey. 16:31), ut loq’oninb’il ajwi’ chi jalan jalanq chanru sa’ jar paay chi na’ajej: xb’aaneb’ laj Mohab jo’ Bahal-Pehor (Num. 25:1–3), sa’ Sikem jo’ Bahal-Berit (Jue. 8:33; 9:4), Sa’ Ekron jo’ Bahal-Sebub (2 Rey. 1:2). Naru naq laj Bahal juntaq’eet rik’in laj Bel re Babilonia, ut aj Zews re Grecia. Lix yaalalil aatin Bahal a’an chanru naq wan jun aj eechal moos chiru lix loq’b’il moos. Li teelom wakax kiwan choq’ reetalil laj Bahal. Li xAstarot (Astarte) a’an jun li ixqi dios li naloq’oniman chaq rochb’een laj Bahal.

Wan naq najunajiman Bahal rik’in jun chik li k’ab’a’ej malaj aatin re xk’utb’al naq wan k’a’ru na’oken rik’in laj Bahal, jo’ jun li na’ajej b’ar wi’ loq’oninb’il, malaj jun winq li chanchan laj Bahal. Moqon, rik’in naq Bahal q’axal xik’ ilb’il, li aatin Boset kixk’ul xna’aj sa’eb’ li junajinb’il aatin a’in. Boset naraj naxye “xutaan.”