K’ulub’aak sa’ komonil

Eb’ li komon sa’ li Iglees neke’xxaqab’ xwankileb’ li ani b’oqb’ileb’ chi k’anjelak sa’ li Iglees, jo’ ajwi’ li k’a’aq re ru k’uub’anb’il xb’aanunkil sa’ li iglees li na’aje’ k’ulub’aak xb’aaneb’. Neke’xk’ut a’in rik’in xtaqsinkil lix nim uq’.

Li Jesukristo wan sa’ xjolomil lix Iglees. Chi musiq’anb’il xb’aan li Santil Musiq’ej, a’an naxb’eresiheb’ laj jolominel re li Iglees re xb’aanunkil ut xk’uub’ankil li k’a’ru aajel ru. A’ut chixjunileb’ li komon sa’ li Iglees xk’ulub’eb’ ut k’eeb’il reheb’ xxaqab’ankil malaj ink’a’ xxaqab’ankil lix b’aanuhomeb’ ut lix k’uub’ahomeb’ li neke’jolomink reheb’.