Jonas

Jun li hu sa’ li Najter Chaq’rab’ li naxye resil k’a’ru kixk’ul laj Jonas sa’ lix yu’am. K’oxlanb’il naq maawa’ laj Jonas li kitz’iib’ank re li hu. Jun xnimal ru na’leb’ sa’ lix hu laj Jonas a’an naq li Jehova yalaq b’ar nataqlan, ut ink’a’ naxk’e lix rahom ka’ajwi’ re jun chi tenamit malaj teepal.

Sa’ li ch’ol 1, li Qaawa’ naxb’oq laj Jonas chi jultikank aatin aran Ninive. Laj Jonas ink’a’ kixb’aanu li taqlanb’il wi’ xb’aan li Qaawa’; ki’eelelik b’an sa’ jun jukub’, ut kinuq’e’ xb’aan jun nimla kar. Sa’ li ch’ol 2, laj Jonas kitijok chiru li Qaawa’, ut li kar kixxawa laj Jonas sa’ chaqi ch’och’. Sa’ li ch’ol 3 tz’iib’anb’il resil naq laj Jonas kiwulak Ninive ut kixjultika jo’ profeet naq taat’ane’q. A’b’anan eb’ li tenamit ke’xjal xk’a’uxleb’. Sa’ li ch’ol 4, li Qaawa’ kixch’iila laj Jonas rik’in naq kijosq’o’ naq li Qaawa’ kixkol li tenamit.

Li Jesus kixye naq li kixk’ul laj Jonas naq kinuq’e’ xb’aan li kar wan choq’ reetalil lix kamik ut lix waklijik li Jesus chi yo’yo (Mat. 12:39–40; 16:4; Luk. 11:29–30).