Loq’laj wa’ak

Choq’ reheb’ laj santil paab’anel sa’ roso’jikeb’ li kutan, li aatin loq’laj wa’ak naraj naxye li k’ojob’anb’il k’anjel re xk’ulb’al li kaxlan wa ut li ha’ re xjultikankil lix mayej li Kristo re xtojb’al rix li maak. Li jachb’il wa a’an reetalil lix tib’el; li ha’ a’an reetalil lix kik’el li kixhoy re xtojb’al rix li qamaak (1 Kor. 11:23–25; Tz. ut S. 27:2). Naq eb’ li komon sa’ li Iglees li k’ulub’ejeb’ neke’xk’ul li loq’laj wa’ak, neke’xyeechi’i naq te’xk’ul lix k’ab’a’ li Kristo sa’ xb’eeneb’, naq junelik taajultiko’q a’an reheb’, ut naq te’xpaab’ lix taqlahom. Rik’in li k’ojob’anb’il k’anjel a’in, eb’ li komon re li Iglees neke’xk’ul chi ak’il li sumwank re li kub’iha’.

Sa’ li wa’ak sa’ roso’jik, li Jesus kixch’olob’ li k’ojob’anb’il k’anjel re li loq’laj wa’ak naq kiwa’ak rik’ineb’ li Kab’laju chi Apostol (Mat. 26:17–28; Luk. 22:1–20).