Lamanita

Jun ch’uut chi tenamit sa’ lix Hu laj Mormon, sa’ li wan wi’ naab’al xkomoneb’ li ralal xk’ajol laj Laman, asb’ej reheb’ li ralal laj Lehi. Eb’ a’an ke’reek’a naq rahob’tesinb’ileb’ xb’aan laj Nefi ut xb’aaneb’ li ralal xk’ajol (Mos. 10:11–17). Xb’aan a’in, ke’xpo’resi xch’ool chiruheb’ laj Nefita, ut kok’ aj xsa’ ke’xtz’eqtaana li na’leb’ re li evangelio. A’b’anan ka’ch’in chik ma nayo’la li Jesukristo, eb’ laj Lamanita ke’xk’ulub’a li evangelio, ut q’axal wi’chik tiikeb’ xch’ool ke’kana chiruheb’ laj Nefita (Hel. 6:34–36). Wiib’ cient chihab’ chirix naq li Kristo kiwulak sa’ li nimla ch’och’ America, ke’ok choq’ aj maak laj Lamanita jo’ ajwi’ eb’ laj Nefita, ut ke’ok chixpleetinkil rib’ chirib’ileb’ rib’. 400 chihab’ tana’ chirix li Kristo, eb’ laj Lamanita ke’xsach chi junajwa lix tenamiteb’ laj Nefita.