Kub’iha’ reheb’ li k’uula’al

Jun k’anjel li ink’a’ na’ajman, naq nakub’siman xha’eb’ li k’uula’al ut li kok’al li maji’ tz’aqaleb’ xchihab’ re te’teneb’aaq, a’an naq waqxaqib’ chihab’ xyu’ameb’. Li Qaawa’ kixye naq moko us ta li kub’iha’ reheb’ li k’uula’al (Moro. 8:10–21). Eb’ li kok’al neke’yo’la chi maak’a’eb’ xmaak. Laj Satanas maak’a’ xwankil chiraalenkileb’ li kok’al toj reetal naq neke’ok chi wank chi teneb’anb’il (Tz. ut S. 29:46–47), jo’kan naq ink’a’ na’ajman ru choq’ reheb’ xjalb’aleb’ xk’a’uxl chi moko li kub’iha’. Eb’ li kok’al tento te’kub’eeq xha’ naq waqxaqib’ chihab’ xyu’ameb’ (Tz. ut S. 68:25–27).