Ak’ Chaq’rab’

Jun ch’uut chi musiq’anb’il tz’iib’ahom (tz’iib’anb’il xb’een wa sa’ Griego) chirix lix yu’am ut lix k’anjel li Jesukristo, eb’ li Apostol, ut jalaneb’ chik aj taaqenel re li Jesukristo. Li Ak’ Chaq’rab’ wan chi jachb’il ru chi jo’ka’in: eb’ li Evangelio, lix B’aanuhomeb’ li Apostol, eb’ lix hu laj Pablo, eb’ li jar paay chik chi taqlanb’il hu, ut li hu Apokalipsis.

Li kaahib’ chi evangelio—lix hu laj Mateo, laj Markos, laj Lukas, ut laj Jwan—neke’xye resil lix yu’am li Kristo. Sa’ li hu Hechos (xyehom xb’aanuhomeb’ li Apostol) wan chi tz’iib’anb’il li resil li Iglees ut eb’ li Apostol, ut q’axal wi’chik resil lix b’eenik laj Pablo jo’ taqlanb’il aj k’anjel, chirix lix kamik li Kristo. Eb’ lix hu laj Pablo neke’xk’e xna’leb’eb’ laj jolominel ut li komon sa’ li Iglees. Eb’ li jun ch’ol chik chi taqlanb’il hu tz’iib’anb’ileb’ xb’aaneb’ li jun ch’ol chik chi apostol, ut neke’xk’e xna’leb’eb’ li najter aj santil paab’anel. Sa’ li hu Apokalipsis, li tz’iib’anb’il xb’aan li Apostol aj Jwan, wankeb’ li profeetil aatin chirix li roso’jik kutan.