Awa’b’ejihom Romano

Li awa’b’ejihom re li najteril tenamit Roma. Sa’ xkutankileb’ li apostol, li Awa’b’ejihom Romano a’an li xnimal ru tenamit re li ruchich’och’. Helho li awa’b’ejihom a’an chalen chaq li Nima’ Ewfrates toj li nima’ Danubio, li nima’ Rin, li Palaw Atlantico, ut li chaqi ch’och’ Sahara. Filistea ki’ok choq’ taqlanb’il tenamit sa’ 63 chihab’ rub’elaj li Kristo, naq laj Pompeyo kireechani Jerusalen. Us ta eb’ laj Romano ke’xk’e k’iila usilal reheb’ laj Judio, eb’ laj Judio xik’ neke’ril li awa’b’ejil aj Romano, ut rajlal wan li po’resink ch’oolej sa’ xyanqeb’.

Laj Pablo, jun aj tenamit aj Romano, kiroksi li Griego, a’an li jun chi aatinob’aal li q’axal oksinb’il sa’ li awa’b’ejihom, re xpuktesinkil li evangelio chiru chixjunil li awa’b’ejihom.