Jun k’amok-ib’ wankeb’ wi’ sa’ aatin li Dios rik’in li winq, a’b’an moko juntaq’eeteb’ ta xwankil naq wankeb’ sa’ aatin. Li Dios naxye k’a’ru taateneb’amanq sa’ li sumwank, ut li winq na’ok sa’ aatin naq tixb’aanu li k’a’ru naxpatz’ a’an. Toja’ naq li Dios naxyeechi’i reheb’ li winq naq taawanq li osob’tesink li taak’eemanq xb’aan xpaab’ankil.
Li jar raqal chi na’leb’ jo’ ajwi’ eb’ li k’ojob’anb’il k’anjel neke’k’ule’ rik’in sumwank. Eb’ li komon sa’ li Iglees li neke’ok sa’eb’ li sumwank a’in neke’xxaqab’ aatin naq te’xpaab’. Qayehaq, eb’ li komon neke’ok sa’ sumwank rik’in li Qaawa’ sa’ li kub’iha’, ut neke’x’ak’ob’resi li sumwank a’an rik’in xk’ulb’al li loq’laj wa’ak. Neke’xk’uub’ ajwi’ chik li sumwank sa’ li santil ochoch. Eb’ lix tenamit li Qaawa’ a’aneb’ jun tenamit re li sumwank, ut k’a’jo’ naq neke’osob’tesiik wi neke’xpaab’ li sumwank wankeb’ wi’ rik’in li Qaawa’.