Jun sumwank malaj kontraat chiru li chaq’rab’, li na’ok wi’ jun winq ut jun ixq, li neke’ok wi’ choq’ b’eelomej ut ixaqilb’ej. Li Dios kitikib’ank re li sumlaak (Tz. ut S. 49:15).
Li ak’ ut junelikil sumwank re li sumlaak
Li sumlaak li nab’aanuman rub’el li chaq’rab’ re li evangelio ut li santil tijonelil wan choq’ re li yu’am a’in ut li junelik q’e kutan. Eb’ li winq ut li ixq li k’ulub’ejeb’, li neke’tz’ape’k sa’ junajil chi jo’kan sa’ li santil ochoch rik’in sumlaak, neke’ru chi kanaak choq’ b’eelomej ut ixaqilb’ej chiru li junelik q’e kutan.
Sumlaak rik’in ani jalan xpaab’aal
Naq neke’sumla jun winq ut jun ixq li jalaneb’ xna’leb’ ut xpaab’ahomeb’ chirix li paab’aal.
Sumlaak rik’in numenaq jun li sum aatin
Naq nasumla jun li b’elomej rik’in wiib’ malaj xkomoneb’ chik li ixaqilb’ej li toj yo’yookeb’. Sa’ li chaq’rab’ junaq winq jun ajwi’ li rixaqil naru nawan, wi li Qaawa’ ink’a’ naxtaqla chi k’utb’esinb’il naq te’wanq chik xkomon (Jak. 2:27–30). Chi k’utb’esinb’il, kib’aanuman li sumlaak rik’in numenaq jun li sum aatin sa’ xkutankil li Najter Chaq’rab’ ut sa’ xtiklajik li Iglees li k’ojob’anb’il wi’chik, chi b’eresinb’il xb’aan li profeet li nak’amok re xlaawil li tijonelil (Tz. ut S. 132:34–40, 45). Ink’a’ chik nab’aanuman sa’ li Iglees (A.Y. 1); anajwan, li sumlaak rik’in numenaq jun li sum aatin moko naxk’am ta rib’ rik’in wank choq’ komon sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan.