Efrain

Kik’eeman re laj Efrain li reechanihom li xb’een alalb’ej sa’ Israel (1 Kro. 5:1–2; Jer. 31:9). Sa’ roso’jikeb’ li kutan, li osob’tesink ut li teneb’ank li taawanq sa’ xb’eeneb’, a’an naq te’xk’ul li tijonelil, naq te’xk’am resil li evangelio li k’ojob’anb’il wi’chik rik’in li ruchich’och’, ut naq te’xtaqsi jun li eetalil re xch’utub’ankil Israel li jek’inb’il (Isa. 11:12–13; 2 Ne. 21:12–13). Eb’ li wankeb’ sa’eb’ li ch’och’ sa’ xnim li saq’e ut neke’sutq’iik sa’ roso’jikeb’ li kutan te’k’ehe’q xloq’al choq’ xkorooneb’ xb’aaneb’ li ralal xk’ajol laj Efrain (Tz. ut S. 133:26–34).

Jun tz’iib’anb’il esil re jun ch’uut xkomoneb’ lix teepal laj Efrain li ke’k’ame’ xb’e chi elk chaq Jerusalen ut chi xik sa’ li ch’och’ America 600 chihab’ rub’elaj li Kristo. Li tz’iib’anb’il esil re li jun ch’uut a’in a’an li perel che’ re Efrain malaj Jose yeeb’il re, malaj lix Hu laj Mormon. Rochb’een li perel che’ re laj Juda (li Santil Hu), chi junajinb’il neke’xch’olob’ xyaalal li Qaawa’ Jesukristo, lix waklijik chi yo’yo, ut lix choxahil k’anjel sa’ xyanqeb’ li wiib’ jachal a’in re lix junkab’al laj Israel.