Korintios, eb’ li hu reheb’ laj Korinto
Wiib’ li hu sa’ li Ak’ Chaq’rab’. A’aneb’ chaq hu kixtz’iib’a laj Pablo reheb’ laj santil paab’anel aran Korinto re xtuqub’ankil li ch’a’ajkilal sa’ xyanqeb’. Eb’ laj Korinto ke’wan sa’ jun li tenamit li nanumta wi’ li maa’usil ch’oolej.
1 Korintios
Sa’ li ch’ol 1 laj Pablo naxk’e sahil ch’oolejil ut narelaji naq te’wanq laj santil paab’anel sa’ junajil. Sa’eb’ li ch’ol 2–6 laj Pablo naxtijeb’ laj santil paab’anel aran Korinto chirix li sachk wankeb’ wi’. Sa’eb’ li ch’ol 7–12 laj Pablo naxsume junjunq lix patz’omeb’. Eb’ li ch’ol 13–15 neke’aatinak chirix li rahok, eb’ li musiq’ejil maatan, ut li wakliik chi yo’yo. Sa’ li ch’ol 16 wan li na’leb’ k’eeb’il xb’aan laj Pablo naq te’wanq chi xaqxo chi kaw sa’ li paab’aal.
2 Korintios
Sa’ li ch’ol 1 laj Pablo naxk’e sahil ch’oolejil ut k’ojob’ank ch’oolej. Sa’ li ch’ol 2 wan junjunq li na’leb’ k’eeb’il re laj Tito. Eb’ li ch’ol 3–7 neke’aatinak chirix lix wankil li evangelio sa’ lix yu’ameb’ laj santil paab’anel ut eb’ lix jolominel. Sa’eb’ li ch’ol 8–9, eb’ laj santil paab’anel k’eeb’ileb’ xna’leb’ naq chi anchaleb’ xch’ool che’k’ehoq reheb’ li neb’a’. Sa’eb’ li ch’ol 10–12 yeeb’il xyaalal lix k’anjel laj Pablo jo’ Apostol. Sa’ li ch’ol 13 na’elajiman naq tz’aqalaqeb’ re ru.