Romanos, hu reheb’ laj Roma

Sa’ li Ak’ Chaq’rab’, jun li hu kixtz’iib’a laj Pablo rik’ineb’ laj santil paab’anel sa’ Roma. A’an yoo chaq chixk’oxlankil rula’aninkil Jerusalen, ut ch’olch’o naq xiwxiwaq a’an. Wi taakole’q xyu’am, kiraj chirix a’an wulak Roma. Li hu a’in kitaqlaman tana’ re xkawresinkil li Iglees a’an re te’xk’ul naq taawulaq aran. Naru ajwi’ nak’oxlaman jo’ xch’olob’ankil xyaalal junjunq li tzol’leb’ li ke’wan chaq chi wech’b’il, ut li kixk’oxla laj Pablo naq ak xaqab’anb’ileb’ xyaalal.

Sa’ li ch’ol 1 laj Pablo naxk’e xsahileb’ xch’ool laj Romano. Sa’eb’ li ch’ol 2–11 wan li ch’olob’anb’il chirix li tzol’leb’ re li paab’aal, li k’anjel, ut li usilal. Sa’eb’ li ch’ol 12–16 wan k’a’ru k’utb’il chirix li rahok, lix teneb’ankil li junjunq, ut li santilal.