Proverbio

Jun li hu sa’ li Najter Chaq’rab’ wan wi’ naab’al li proverbio, li yehom, ut li b’ich, ut junjunq reheb’ tz’iib’anb’il xb’aan laj Salomon. Kok’ aj xsa’ sa’ li Ak’ Chaq’rab’ nayeeman li aatin sa’ li hu Proverbios.

Sa’eb’ li ch’ol 1–9 ch’olob’anb’il xyaalal k’a’ru li tz’aqal chaab’il na’leb’. Sa’eb’ li ch’ol 10–24 wankeb’ li yehom chirix chan ru li usil ut ink’a’ usil wank sa’ li yu’am. Sa’eb’ li ch’ol 25–29 wankeb’ li proverbio re laj Salomon li ke’xtz’iib’a resil lix moos laj Esekias, rey sa’ xb’een Juda. Sa’eb’ li ch’ol 30–31 naxch’olob’ resil ani jun li ixq chaab’il xyu’am.