Mesias

Jun li aatin sa’ Arameo ut Hebreo li naraj naxye “li yulb’il.” Sa’ li Ak’ Chaq’rab’, li Jesus aj Kristo nayeeman re, a’an juntaq’eet rik’in Mesias sa’ Griego. Naraj naxye li yulb’il Profeet, aj Tij, Rey, ut aj Kolonel li yookeb’ chaq laj Judio chiroyb’eninkil chi anchaleb’ xch’ool.

Naab’al reheb’ laj Judio yal yookeb’ chiroyb’eninkil ani taakoloq reheb’ chiru lix wankileb’ laj Romano ut taak’ehoq chi usaak lix tenamiteb’; chi jo’kan, naq kichal li Mesias, eb’ laj jolominel ut naab’aleb’ chik ke’xtz’eqtaana. Ka’ajwi’ eb’ li tuulaneb’ xch’ool ut li tiikeb’ chi paab’ank ke’ru chirilb’al naq li Jesus aj Nazaret a’an tz’aqal li Kristo (Isa. 53; Mat. 16:16; Jwan 4:25–26).