Naq naxjach rib’ li tz’ejwalej rik’in li musiq’ej. Li t’ane’k kixk’am chaq li kamk sa’ li ruchich’och’ (2 Ne. 2:22; Mois. 6:48). Lix tojb’al rix li maak xb’aan li Jesukristo kinumta sa’ xb’een li kamk re naq chixjunileb’ te’wakliiq chi yo’yo (1 Kor. 15:21–23). Li wakliik chi yo’yo a’an jun maatan siib’il re chixjunileb’ li tenamit, maak’a’ naxye ma us malaj ink’a’ us xe’xb’aanu sa’ li yu’am a’in (Alma 11:42–44). Li junjunq yal jun sut ajwi’ naxk’ul xkamik li tz’ejwalej, xb’aan naq chirix naq waklijenaqo chi yo’yo, li qatib’el ink’a’ chik naru chi kamk (Alma 11:45).