Gentil, eb’ laj

Jo’ na’oksiman sa’eb’ li santil hu, jalan jalanq lix yaalalil li aatin Gentil. Wan naq na’oksiman re aatinak chirix li ani maawa’eb’ aj Israel, wan naq eb’ li moko aj Judio ta, ut wan naq eb’ li tenamit li maak’a’ li evangelio rik’ineb’, us ta maare wan xxe’toonileb’ laj Israelita sa’ xyanqeb’ li tenamit. Jo’ka’in na’oksiman chi naab’al li aatin sa’ lix Hu laj Mormon ut li Tzol’leb’ ut Sumwank.

Lix Hu laj Mormon kitz’iib’aman choq’ reheb’ laj Gentil, perel re xjolomil li aatin sa’ lix Hu laj Mormon (Morm. 3:17).
Jun li winq sa’ xyanqeb’ laj Gentil xko’o chiru li k’iila ha’, 1 Ne. 13:12.
Jalaneb’ chik li hu ke’chal chaq rik’ineb’ laj Gentil, 1 Ne. 13:39.
Taawulaq lix tz’aqalil li evangelio rik’ineb’ laj Gentil, 1 Ne. 15:13 (3 Ne. 16:7; Tz. ut S. 20:9).
Li ch’och’ a’in taawanq choq’ xch’och’il li ach’ab’aak choq’ reheb’ laj Gentil, 2 Ne. 10:11.
Eb’ laj Gentil neke’juntaq’eetaman rik’in jun xtoonal li che’ olivo re k’iche’, Jak. 5.

Tento taak’utunq li evangelio sa’ xq’ehileb’ laj Gentil, Tz. ut S. 45:28 (Tz. ut S. 19:27).
Li aatin taaxik toj sa’ xmaril li ruchich’och’, rik’ineb’ laj Gentil xb’een wa, ut chirix a’an rik’ineb’ laj Judio, Tz. ut S. 90:8–10.
Eb’ li Setenta tento te’wanq choq’ sik’b’il ru aj yehol nawom chiruheb’ laj Gentil, Tz. ut S. 107:25.
Taqlahomaqeb’ li xb’eenil re lin iglees re xb’oqb’aleb’ chixjunileb’ li tenamit, xb’een wa eb’ laj Gentil, ut chirix a’an eb’ laj Judio, Tz. ut S. 133:8.