Tesalonicenses, hu reheb’ laj Tesalonika
Wiib’ chi hu sa’ li Ak’ Chaq’rab’. A’aneb’ li hu kixtz’iib’a laj Pablo rik’ineb’ laj Tesalonika naq kiwan chaq Korinto sa’ li xb’een xxikik Europa, 50 chihab’ tana’ chirix xyo’lajik li Kristo. Yeeb’il resil lix k’anjel laj Pablo sa’ Tesalonika sa’ Hechos 17. Laj Pablo kiraj raj sutq’iik Tesalonika, a’b’an ink’a’ kiru chiru (1 Tes. 2:18). Chi jo’kan, kixtaqla laj Timoteo re xwaklesinkileb’ xch’ool li ani jalbileb’ xch’ool, ut re xk’amb’al chaq resil chanru naq wankeb’. Kixtz’iib’a li xb’een hu re xb’antioxinkil lix sutq’ijik laj Timoteo.
1 Tesalonicenses
Sa’eb’ li ch’ol 1–2 wan li raatin laj Pablo re xk’eeb’al sahil ch’oolej, ut lix tij choq’ reheb’ laj santil paab’anel; sa’eb’ li ch’ol 3–5 naxk’e li na’leb’ chirix li k’iik sa’ musiq’ejil, li rahok, li saq ru ch’oolej, li yalok q’e, ut li xkab’ xk’ulunik li Jesukristo.
2 Tesalonicenses
Sa’ li ch’ol 1 wan jun li tij choq’ reheb’ laj santil paab’anel. Li ch’ol 2 na’aatinak chirix li q’etok paab’ank li taawanq. Sa’ li ch’ol 3 wan lix tij laj Pablo re taanumtaaq lix k’anjel li evangelio.