K’anti’ bronce

Jun k’anti’ bronce li kixyiib’ laj Moises chi taqlanb’il xb’aan li Dios re xk’irtesinkileb’ laj Israelita li ke’tiwe’ xb’aaneb’ li k’anti’ wankeb’ xxamlel (a’ li wankeb’ xmay) sa’ li yamyookil ch’och’ (Num. 21:8–9). Li k’anti’ bronce a’in kik’ehe’ chi ru’uj jun che’ ut “kitaqsiik re naq yalaq ani taa’iloq re taaruuq taawanq chi yo’yo” (Alma 33:19–22). Li Qaawa’ kixye naq lix taqsinkil li k’anti’ sa’ li yamyookil ch’och’ a’an reetalil naq a’an kitaqsiik chiru li krus (Jwan 3:14–15). Li na’leb’ k’utb’esinb’il sa’ roso’jikeb’ li kutan naxk’ut naq yaal li esil chirixeb’ li k’anti’ li wankeb’ xxamlel, ut chan ru naq ke’k’irtesiik li tenamit (1 Ne. 17:41; 2 Ne. 25:20; Hel. 8:14–15).