Genesis

Li Hu Genesis a’an li xb’een hu sa’ li Najter Chaq’rab’, ut tz’iib’anb’il xb’aan li profeet aj Moises. Naxye resil naab’al li tiklaak, jo’ xyo’ob’tesinkil li ruchich’och’, xk’eeb’aleb’ li xul ut li winq sa’ li ruchich’och’, lix t’anik laj Adan ut li xEva, xk’utb’esinkil li evangelio chiru laj Adan, xtiklajikeb’ li jar teepal ut alal k’ajolb’ejil chi tenamit, lix tiklajik li jar aatinob’aal sa’ Babel, ut lix tiklajik lix junkab’al laj Abraham, li kitikib’aman wi’ lix junkab’al laj Israel. Lix k’anjel laj Jose sa’ xkolb’al rix Israel ch’olob’anb’il resil sa’ Genesis.

Rik’in li na’leb’ k’utb’esinb’il sa’ roso’jikeb’ li kutan, nakana chi k’utb’il xyaalal ut chi ch’olob’anb’il li tz’iib’anb’il esil Genesis (1 Ne. 5; Eter 1; Mois. 1–8; Abr. 1–5).

Sa’ li Hu Genesis, li ch’ol 1–4 naxye resil lix yo’ob’tesinkil li ruchich’och’ ut lix yo’lajik lix junkab’al laj Adan. Sa’ li ch’ol 5–10 tz’iib’anb’il resil laj Noe. Eb’ li ch’ol 11–20 neke’xye resil laj Abraham ut lix junkab’al toj reetal laj Isaak. Eb’ li ch’ol 21–35 neke’aatinak chirix lix junkab’al laj Isaak. Li ch’ol 36 naxye resil laj Esau ut lix junkab’al. Li ch’ol 37–50 naxye resil lix junkab’al laj Jakob, ut wan resil naq kik’ayiik laj Jose toj Egipto, ut lix k’anjel a’an sa’ xkolb’al lix junkab’al laj Israel.