Numeros

Li xkaa hu sa’ li Najter Chaq’rab’. Laj Moises kitz’iib’ank re li hu Numeros. Li hu Numeros naxye resil lix b’eenikeb’ laj Israel chalen chaq li Tzuul Sinai toj reetal li ru taq’a Mohab sa’ xnub’aal Kanahan. Jun nimla na’leb’ k’utb’il chi sa’ a’an naq eb’ lix tenamit li Dios tento te’b’eeq rik’in paab’aal ut te’xkanab’ rib’ chiru lix yeechi’ihom li Dios re naq us te’elq. Naxye resil chanru naq li Dios kixk’e tojb’a-maak sa’ xb’eeneb’ laj Israel xb’aan xq’etb’al li chaq’rab’, ut naxye resil lix chaq’rab’eb’ laj Israelita. Lix k’ab’a’ li hu naraj naxye “Li Ajl,” a’an xb’aan naq naxk’e rajlankil li jar teepal (Num. 1–2; 26).

Sa’eb’ li ch’ol 1–10 yeeb’il resil naq ke’xkawresi rib’ laj Israel chi elk chaq Sinai. Sa’eb’ li ch’ol 11–14 naxye resil li b’eek, naq ke’ok laj k’ehol eetal toj Kanahan, ut naq eb’ laj Israel ink’a’ ke’raj ok sa’ li yeechi’inb’il ch’och’. Sa’eb’ li ch’ol 15–19 yeeb’il resil junjunq li chaq’rab’ ut li k’a’aq re ru xk’ulman. Sa’eb’ li ch’ol 20–36 wan resil li jun chihab’ rub’elaj xraqik lix b’eenikeb’ li tenamit sa’ li yamyookil ch’och’.