Naq naxjal junaq li k’a’ru naxpaab’, lix ch’ool ut lix yu’am re taawanq sa’ xyaalal rik’in li rajom xch’ool li Dios (Hech. 3:19).
Xjalb’al qach’ool naraj naxye xkanab’ankil li qanajter na’leb’ ut xjalb’al qib’ re too’ok choq’ x’apostol li Kristo. Rik’in xjalb’al li qak’a’uxl, xk’ulb’al li kub’iha’ re risinkil li qamaak, xk’ulb’al li maatan re li Santil Musiq’ej rik’in xk’eeb’al li uq’ej, ut kanaak sa’ xpaab’ankil li Qaawa’ Jesukristo, natz’aqlok ru xjalajik li qach’ool. Jun li ruchich’och’il winq taajalmanq choq’ jun ak’il winq li santob’resinb’il ut saq ru, yo’lajenaq wi’chik rik’in li Kristo Jesus (2 Kor. 5:17; Mosiah 3:19).