Samaria

Sa’ li Najter Chaq’rab’, li jolomil tenamit sa’ li awa’b’ejihom Israel sa’ xnim li saq’e (1 Rey. 16:23–24). Rik’in naq a’an kawil na’ajej sa’ xb’een jun li tzuul, eb’ laj Asiria ink’a’ ke’ru chireechaninkil toj chirix naq ke’xsuti rix chiru oxib’ chihab’ (2 Rey. 17:5–6). Laj Herodes kixyiib’ wi’chik, ut Sebaste kixye re. Sa’ xkutankil li Ak’ Chaq’rab’, Samaria a’an xk’ab’a’ chixjunil li ch’och’ sa’ xyi palestina, chirix li Jordan sa’ rokeb’aal saq’e.