Awa’b’ejil Yehom 1

Tz’iib’anb’il sa’ xraqik li hu Tzol’leb’ ut Sumwank, li xb’een raqal re li Awa’b’ejil Yehom 1 nanawman ajwi’ ru jo’ li Ch’olob’anb’il Aatin. Kik’ehe’ xb’aan li Awa’b’ej Wilford Woodruff ut kik’utb’esiman chiruheb’ li komon sa’ li Iglees sa’ jun li jolomil ch’utub’aj-ib’ sa’ 6 Octubre 1890. Chalen chaq sa’ li hab’ 1862 ut chiru oob’ xka’k’aal chihab’ chik, ke’k’uub’aman li chaq’rab’ re naq ink’a’ taa’uxq li sumlaak rik’in numenaq jun li sum aatin sa’ Estados Unidos. Li Qaawa’ kixk’ut chiru laj Wilford Woodruff sa’ matk’ ut chi k’utb’esinb’il k’a’ru taak’ulmanq wi eb’ laj santil paab’anel ink’a’ te’xkanab’ xb’aanunkil li sumlaak rik’in numenaq jun li sum aatin. Li Ch’olob’anb’il Aatin kixye chi k’utk’u naq ink’a’ chik yoo chi b’aanumank li sumlaak rik’in numenaq jun li sum aatin.