K’utb’il eetalil Li k’a’ru naru junaq winq malaj ixq chixtaaqenkil re xk’ulb’al junaq chaab’ilal. Sa’eb’ li loq’laj hu, jun k’utb’il eetalil naraj naxye li na’leb’ re xk’utb’al chanru naq te’wanq li komon, malaj chanru naq te’xyiib’ k’a’ruhaq. Li Qaawa’ kixtaqlaheb’ laj Israel chixyiib’ankil jun loq’laj muheb’aal jo’ chanru li eetalil k’utb’il chiru laj Moises, Exo. 25. Laj David kixk’e re laj Salomon li k’utb’il eetalil re taakab’lamanq li santil ochoch, 1 Kro. 28:11–13. Li Jesukristo tixk’ut jun k’utb’il eetalil chiruheb’ li ani te’paab’anq re a’an, 1 Tim. 1:16. Tink’e eere jun k’utb’il eetalil sa’ chixjunil li k’a’aq re ru, re naq ink’a’ texwanq chi b’alaq’inb’il, Tz. ut S. 52:14.