Sa’eb’ li loq’laj hu, li majewank li k’anjelanb’il xb’aan lix chaq’rab’ li Dios, re naq taachalq malaj taak’ame’q chaq li raqb’a-aatin ut eeqajunk sa’ xb’een k’a’ruhaq malaj anihaq, malaj sa’ xb’een jun tenamit, sa’ xk’ab’a’ li maa’usilal. Eb’ li majewank a’aneb’ reetalil lix rahom ut lix tiikilal xna’leb’ li Dios. Naru nak’ehe’ li majewank xb’aan li Dios malaj xb’aaneb’ lix moos li k’eeb’ileb’ xwankil xb’aan. Wan naq ka’ajwi’ li Dios nanawok re k’a’ut naq k’eeb’il jun li majewank. Jo’kan ajwi’, nachal li majewank sa’ xb’eeneb’ li ani chi nawb’il ink’a’ neke’ab’ink chiru li Dios, ut chi jo’kan neke’risi rib’ rik’in lix Musiq’ li Qaawa’.
Li Qaawa’ naru chirisinkil li majewank wi jun winq malaj jun tenamit naxpaab’ li Jesukristo ut na’ab’ink chiru li chaq’rab’ ut li k’ojob’anb’il k’anjel re li evangelio (Alma 23:16–18; 3 Ne. 2:14–16; R. li P. 1:3).
Yib’ ruhil aatin
Wan naq majewank naraj ajwi’ naxye aatinak rik’in yiib’ ruhil aatin, rik’in xmajewankil li Dios, malaj rik’in hob’ok.