Eb’ lix taqlahom malaj li chaq’rab’ k’eeb’il xb’aan li Dios li nak’eeman wi’ chixjunil li osob’tesink ut li tojb’a-maak, sa’ choxa jo’ ajwi’ sa’ ruchich’och’. Eb’ li neke’ab’ink chiruheb’ lix chaq’rab’ li Dios neke’xk’ul li osob’tesink yeechi’inb’il. Li Profeet aj Jose Smith kixk’ut naq eb’ li tenamit tento ajwi’ te’ab’inq chiru, te’roxloq’i, ut te’xwaklesi eb’ lix chaq’rab’il li tenamit (R. li P. 1:12).
Lix chaq’rab’ laj Moises a’an jun kawresink-ib’ chaq’rab’ re xk’amb’aleb’ li winq ut li ixq rik’in li Kristo. Sa’ li chaq’rab’ a’an, wan naab’al li k’a’ru ramb’il, li k’a’ru taqlanb’il, ut li k’ojob’anb’il k’anjel. Sa’ li kutan a’in, lix chaq’rab’ li Kristo, li kixtz’aqob’resi ru lix chaq’rab’ laj Moises, a’an lix tz’aqalil li evangelio, malaj li “tz’aqal ru chaq’rab’ re ach’ab’aak” (Stgo. 1:25).