Hilob’aal kutan

Jun santil kutan li xaqab’anb’il chiru li xamaan re taa’uxq li hilank ut li loq’onink. Chirix naq li Dios kixyo’ob’tesi chixjunil li k’a’aq re ru, kihilan sa’ xwuq li kutan ut kixtaqla naq jun kutan chiru li xamaan taawanq choq’ hilob’aal kutan re xtenq’ankileb’ li tenamit re naq taajultiko’q a’an reheb’ (Exo. 20:8–11).

Rub’elaj lix waklijik li Kristo chi yo’yo, eb’ li komon sa’ li Iglees ke’xnima li xwuq kutan re li xamaan jo’ li hilob’aal kutan, jo’ chanru neke’xb’aanu laj Judio. Chirix li wakliik chi yo’yo, eb’ li komon sa’ li Iglees, us ta aj Judio malaj aj Gentil, ke’xnima li xb’een kutan re li xamaan (lix kutankil li Qaawa’) re taajultiko’q reheb’ lix waklijik li Qaawa’ chi yo’yo. Sa’ li Iglees anajwan toj nimanb’il li jun kutan chiru li jun xamaan jo’ jun santil hilob’aal kutan sa’ li taqaloq’oni wi’ li Dios ut toohilanq chiru li ruchich’och’il k’anjel.

Li hilob’aal kutan naxjultika reheb’ li tenamit naq na’ajman ru xch’olaninkil li musiq’ej, ut naq teneb’anb’il sa’ xb’eeneb’ ab’ink chiru li Dios. Naq jun tenamit na’ok chi lajk sa’ xpaab’ankil li hilob’aal kutan, najalano’ lix wanjik, ut nalajk lix paab’aal (Neh. 13:15–18; Jer. 17:21–27).