Q’ol Nim Xtz’aq

Li rawa’b’ejihom li Dios sa’ li ruchich’och’ najuntaq’eetaak rik’in jun “saqi q’ol nim xtz’aq” (Mateo 13:45–46).

Li Q’ol Nim Xtz’aq a’an ajwi’ li k’ab’a’ej k’eeb’il re jun reheb’ li kaahib’ siir chi hu, li “xaqab’anb’il hu” re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan yeeb’ileb’ re. Li xb’een xk’uub’lajik li Q’ol Nim Xtz’aq kipuktesiman sa’ 1851, ut chi sa’ kiwan junjunq li aatin li wan chik sa’ li Tzol’leb’ ut Sumwank. Sa’ li hu li puktesinb’il chalen chaq 1902, wan (1) li aatin isinb’il chaq sa’ lix jaltesinkil ru Genesis xb’aan laj Jose Smith, a’an lix hu laj Moises yeeb’il re, jo’ ajwi’ lix jaltesinkil ru Mateo 24, a’an Jose Smith—Mateo yeeb’il re; (2) Lix jaltesinkil ru junjunq li najteril perel hu aj Egipto xb’aan laj Jose Smith, li kixk’ul sa’ 1835, a’an lix hu laj Abraham yeeb’il re; (3) jun raqal li resilal li Iglees xb’aan laj Jose Smith li kixtz’iib’a sa’ 1838, a’an Jose Smith—Resilal yeeb’il re; ut (4) Eb’ lix Raqalil li Paab’aal, oxlaju raqal chi aatin chirix li paab’aal ut li tzol’leb’.