1 Ac tukun ma inge kuht sifil pac muhtwacwacack in muhsahi tohkohsrahi, ac kuht sifilpac muhtwacwacack in muhta fin acn ah ke mihs. Ac nga oruh tuh in oasr kuhfwen mwe mweun oreklac ke kain nuhkwewa, tuh ohinge in oasr kuhfwen mwe mweun nuhtihn mwet luhk in sang lain pacl se mwet Laman fah sifil tuhkuh in mweun lain mwet luhk.

2 Ac nga oraclah oasr mwet topang raunweack acn uh, tuh mwet Laman in tiac kuh in sifil tuhkuh nuh yohrohsr wacngihn etweyac ac kuhnaoskuhtlac; ac ohinge nga topangi mwet luhk ac un sip nuhtihk, ac karihngihn elos in tiac utucklac muhta ye poun mwet lokoalok lasr.

3 Ac tukun ma inge kuht usrui acn luhn pahpah tuhmwacsr ke yac pucspucs, ahok, ke lusen yac longoul ac luo.

4 Ac nga oruh tuh mukul ac in kihlihng infohk uh, ac ukwi kain in grain nuhkwewa ac fukun sahk ke kain nuhkwewa.

5 Ac nga oruh tuh muhtwacn ah in tuhta, ac mukwikwi, ac orekma, ac orekma ke kain in nuknuk wo nuhkwewa, ahok, kain in nuknuk nuhkwewa, tuh kuht in nukumkuhtlac; ac ohinge kuht kapkapwack fin acn ah—ohinge fahfahlac na kuht in mihs fin acn ah ke lusen yac longoul ac luo.

6 Ac tukun ma inge tohkohsrah Laman el misac, ac wen nahtuhl muhtwacwacack in kol aholuhl. Ac el muhtwacwacack in puhrakwack mwet lal in mweun lain mwet luhk; ohinge elos muhtwacwacack in ahkoo in mweun, ac tuhkuh in mweun lain mwet luhk.

7 Tuhsruhk nga suhpwaclah mwet kalngeyuck luhk raunweack acn Shemlon, tuh nga in kuh in etuh ahkoo lalos, tuh nga in kuh in topang elos, tuh elos in tiac tuhkuh nuh yurun mwet luhk ac kuhnaosuhloslac.

8 Ac tukun ma inge elos tuhkuh nuh ke lacfahl acir fin acn Shilom, wi u na pucspucs lalos, mukul ma utuck pihsr, ac ke suhkan pihsr, ac ke katlas, ac ke mitmit kuhruh, ac ke yot, ac ke pihsr; ac insifaclos macngsruhsralah tuh elos kohflohfohl; ac elos kapriyac nuknuk se sang losyac infulwaclos.

9 Ac tukun ma inge nga oruh tuh muhtwacn ac tuhlihk nuhtin mwet luhk in wihklac ke innimac; ac nga oacyacpac oruh tuh mukul ma mahtuh luhk nuhkwewa ma kuh in sruok mwe mweun, ac oacyacpac mukul fuhsr nuhkwewa in sruok mwe mweun pac, in tuhkweni nuh sie in som mweun lain mwet Laman; ac nga fuhlwelosi nuh ke wal lalos, mukul nuhkwewa wiwi na matwacl.

10 Ac tukun ma inge kuht som mweun lain mwet Laman; ac nga, finne nga, ke matwac mahtuh luhk, som mweun lain mwet Laman. Ac tukun ma inge kuht som ke kuh luhn Leum in mweun.

11 Inge, mwet Laman tiac etuh kuhtwena ma ke Leum, kuh ke kuh luhn Leum, ohinge elos luhlahlfongi na kuhiyaclos sifacna. Ne elos mwet na fokoko, in oacna kuh luhn mwet uh.

12 Elos mwet lwemnak, ac suhlallacl, ac mwet luhngse ahkmas, luhlahlfongi ke ohiyac mahtuh luhn pahpah tuhmwaclos, suc pa inge—Luhlahlfongi lah elos lihllihllac liki acn Jerusalem ke srihpen ma koluk luhn pahpah tuhmwacsr, ac lah elos ahktahfongyeyucklac ke innimac sin mwet wiyaclos, ac elos ahktahfongyeyucklac pac ke fahsr sahslah liki meoa uh;

13 Ac sifilpac, lah elos ahktahfongyeyucklac ke elos oasr fin acn in usru selos, tukun elos fahsr sahslah liki meoa uh, ac ma inge nuhkwewa ke srihpen Nephi el luhlahlfongi yohk in liyacacng masap luhn Leum—ohinge el luhngseyuck yohk sin Leum, tuh Leum El lohng pruhe lal ac topuk, ac el tuyak in kohlohlos ke fuhfahsryucsr lalos ke innimac.

14 Ac mwet wiyacl kasrkuhsrak sel ke srihpen elos tiac kahlwem ke oruh luhn Leum; elos oacyacpac kasrkuhsrak sel ke elos oasr in meoa uh ke srihpen insiaclos kwekwe lain Leum.

15 Ac sifilpac, elos kasrkuhsrak sel ke elos ai ke acn in wuhlweacng, ke srihpen elos fahk lah el eislah in kol mwet ah liki paholos; ac elos suk in unilyac.

16 Ac sifilpac, elos kasrkuhsrak sel ke srihpen el som nuh innimac oacna ke Leum El sapkihn nuh sel, ac us ma sihmlac suc sihmihsyucklac oan ke plwet prahs, tuh elos fahk lah el pihsrwaclah seltahl.

17 Ac ohinge elos luti tuhlihk nahtuhlos tuh elos in sruhngwaclos, ac tuh elos in ahkmasyelos, ac tuh elos in pihsre ac sruokyac ma lalos, ac oruh ma nuhkwewa in kuhnaosuhloslac; ohinge oasr sruhnga yohk ma pahtpaht lalos ke insiaclos nuh sin tuhlihk nuhtin Nephi.

18 Tuh ke srihpac se na inge tohkohsrah Laman, ke suhlallacl, ac kuhtasrihk, ac olwelah wo lal, kihyacpweyuclac, tuh nga in use mwet luhk inge nuh ke acn se inge, tuh elos in kuhnaosuhloslac; ahok, ac kuht kweoklacna ke lusen yac pucspucs ke acn uh.

19 Ac inge nga, Zeniff, tukun sruhmuhn ma inge nuhkwewa nuh sin mwet luhk ke mwet Laman, nga ahkkweyelos in som mweun ke kuhiyaclos nohfohn, likiyac luhlahlfongi lalos in Leum; ohinge, kuht mweun nuh selos, aforacni.

20 Ac tukun ma inge tuh kuht sifil luhsuhltahllah liki acn ah; ac kuht onweltahl uh ke sie acnwuck na upac, arulacna puhslac oruh kuht tiac oacklah nohfohn.

21 Ac tukun ma inge kuht sifil fohlohk nuh ke acn sesr sifacna, ac mwet luhk elos sifilpac muhtwacwacack in karihngihn un sip nahtuhlos, ac pihkihn infohk lalos.

22 Ac inge nga, mahtohoh, sang tohkohsrahi nuh sin sie sin wen nuhtihk; ohinge, nga tiac sifil fahk kuhtwena ma. Ac lwelah tuh Leum Elan ahkinsewowoye mwet luhk. Amen.