1 Ac inge, tohkohsrah Benjamin el nuhnkuh muh ma wo se, tukun el ahksahfye sramsram lal nuh sin mwet ah, tuh elan eis inen mwet nuhkwewa suc ilyak nuh ke sie olwelah nuh sin God in karihngihn masap Lal.

2 Ac tukun ma inge tiac na sie mwet, sahyacn tuhlihk srihsrihk, tuh ilyak nuh ke olwelah ac eis nuh faclos inen Kraist.

3 Ac sifilpac, tukun ma inge ke tohkohsrah Benjamin el ahksahfye ma inge nuhkwewa, ac mosrwellah wen nahtuhl, Mosiah, elan sie mwet kol ac sie tohkohsrah nuh sin mwet lal, ac sang nuh sel in nuhnuhnkuh ma nuhkwewa ke tohkohsrahi, ac oacyacpac srihsrngiyac mwet tol in luti mwet ah, ac in pihrakalosyak in esam fuhlahk suc elos oraclah, el suhpwacloselihk, ac elos fahsrelihk, mwet nuhkwewa, in wi sucu lalos, nuh ke lohm selos.

4 Ac Mosiah el muhtwacwacack in kol ahol pahpah tuhmwacl. Ac el muhtwacwacack in kol ke matwacl yac tolngoul, in oracni nohfohn, sahp yac ahngfoko ac itnguhul ohnkohsr ke pacl se Lehi el som liki acn Jerusalem.

5 Ac tohkohsrah Benjamin el moul yac tolu na el misac.

6 Ac tukun ma inge tohkohsrah Mosiah el fahsr ke inkacnek luhn Leum, ac akihlen nuhnuhnkuh Lal ac masap Lal, ac liyacacng masap Lal ke ma nuhkwewa ma El sapkihn nuh sel.

7 Ac tohkohsrah Mosiah el oruh mwet lal tuh elos in orekma infohk uh. Ac el oacyacpac, el sifacna, orekma infohk uh, tuh ohinge elan kuh in tiac mwe toasr se nuh sin mwet lal, tuh elan kuh in oruh fal nuh ke ma suc pahpah tuhmwacl tuh oruh ke ma inge nuhkwewa. Ac wacngihn fohs inmahsrlon mwet ah nohfohn ke lusen yac tolu.