Mosaia

iVola i Momani

Lewe ni iVola
iVakamacala Taumada kei na iVakadinadina
1 Nifai
2 Nifai
Jekope
Inosi
Jeromi
Omanai
Vosa i Momani
Mosaia
Alama
Ilamani
3 Nifai
4 Nifai
Momani
Ica
Moronai

Mosaia

Wase 1
Sa vakavulici iratou na luvena tagane ko Penijamini na Tui ena ivosavosa kei na nodra parofisai na nodratou qase—Sa taqomaki tu mai na nodra lotu kei na nodra itovo ni bula ena vuku ni veitukutuku era sa maroroi tu ena veipeleti e so—Sa digitaki ko Mosaia me tui ka sa soli vua me maroroya na peleti kei na veika tale e so. Rauta na 130–124 B.K.
Wase 2
Sa vosa vei ira na nona tamata ko Penijamini na Tui—Sa vakamacalataka na lewa dodonu ka vinaka, kei na veika vakayalo ni nona veiliutaki—Sa vakasalataki ira ko koya mera qarava na nodra Tui Vakalomalagi—Ko ira era saqata na Kalou era na sotava na yaluma me vaka na bukawaqa tawaboko rawa. Rauta na 124 B.K.
Wase 3
Sa tomana na nona vosa ko Penijamini na Tui—Ena veiqaravi na Turaga Kaukauwa ena kedra maliwa na tamata ena vale qele—Ena tuturu na dra mai na veiqara kecega ni sa sorovaka ko Koya na ivalavala ca ni vuravura—Ena yacana duadua ga sa rawa kina na veivakabulai—Sa rawa vei ira na tamata me ra biuta tani na tamata vakavuravura ka yaco me ra Yalododonu ena vuku ni Veisorovaki—Ena vaka na drano bukawaqa kei na sulifure na nodra yaluma na dau caka ca. Rauta na 124 B.K.
Wase 4
Sa tomana na nona vosa ko Penijamini na Tui—Sa yaco na veivakabulai ena vuku ni veisorovaki—Vakabauta na Kalou mo vakabulai kina—Mo dou rawata na vakabokoci ni nomudou ivalavala ca ena vuku ni nomudou yalodina—Wasea na nomudou iyau ki vei ira na dravudravua—Me caka na ka kecega ena yalomatua kei na ivakarau maqosa. Rauta na 124 B.K.
Wase 5
Era sa yaco me luvei Karisito ko ira na yalododonu ena vuku ni vakabauta—Era sa na qai kacivi ena yaca i Karisito—Sa vakauqeti ira vagumatua sara ko Penijamini na tui me ra tudei ka kakua ni yavalati rawa ena cakacaka vinaka. Rauta 124 B.K.
Wase 6
Sa vola na yacadra kece na tamata ko Penijamini na Tui ka lesi ira na bete me ra vakavulici ira—Sa veiliutaki ko Mosaia me dua na tui yalododonu. Rauta na 124–121 B.K.
Wase 7
E sa raica ko Amoni na vanua ko Liai-Nifai, ka sa tui tiko kina ko Limiai—Era sa vakabobulataki na tamata i Limiai mai vei ira na Leimanaiti—Sa tukuna ko Limiai na kedra itukutuku makawa—E a sa vakadinadinataka e dua na parofita (ko Apinatai) ni sa Kalou na Karisito ka Tama ni ka kecega—Ko ira sa kaburaka na veika dukadukali era na tamusuka na covulaca, ia ko ira era nuitaka na Turaga era na sereki. Rauta na 121 B.K.
Wase 8
Sa vakavulici ira na tamata i Limiai ko Amoni—Sa vulica ko koya me baleta na nodra ruasagavulu ka va na peleti na Jeretaiti—Sa rawa mera na vakadewataki na ivolatukutuku makawa mai vei ira na daurairai—Sa sega ni dua na isolisoli me cecere cake mai na daurairai. Rauta na 121 B.K.
Wase 9
Sa liutaka ko Senifi e dua na ilawalawa mai Saraemala me laki taukena na vanua ko Liai-Nifai—Sa vakatara na nodra tui na Leimanaiti mera taukena na vanua—Sa tubu na ivalu ena kedra maliwa na Leimanaiti kei ira na tamata i Senifi. Rauta na 200–187 B.K.
Wase 10
Sa mate ko Leimani na tui—Era sa tamata kila ka vakarerevaki ka vakabauta na itovo lasu ko ira na nona tamata—Sa qaqa vei ira ko Senifi kei ira na nona tamata. Rauta na 187–160 B.K.
Wase 11
Sa ca na veiliutaki i Noa na Tui—Sa rekitaka na bula vaka-marau ca vata kei ira na watina kei na watina lalai—Sa parofisaitaka ko Apinatai ni ra na vakabobulataki ko ira na tamata—Sa via vakamatei koya ko Noa na Tui. Rauta na 160–150 B.K.
Wase 12
Sa biu ki na valeniveivesu ko Apinatai ena vuku ni nona a parofisaitaka na nodra vakarusai na tamata kei na nona mate ko Noa na Tui—Era cavuta na ivolanikalou ko ira na bete vakailasu ka cakava me rairai ni vaka me ra muria tiko na lawa i Mosese—Sa tekivu vakatavuvulitaka vei ira ko Apinatai na iVakaro E Tini. Rauta na 148 B.K.
Wase 13
Sa taqomaki ko Apinatai ena kaukauwa vakalou—Sa vakatavuvulitaka ko koya na iVunau e Tini—Sa sega ni yaco na veivakabulai ena lawa i Mosese duadua ga—Ena cakava na Kalou Vakaikoya e dua na veisorovaki ka na sereki ira kina na Nona tamata. Rauta na 148 B.K.
Wase 14
Sa vosa vakaMesaia ko Aisea—Sa tukuni na nona vakamaduataki kei na nona vakararawataki na Mesaia—Sa cabora na Yalona me isoro ni ivalavala ca ka vakamamasu ena vukudra sa dau talaidredre—Vakatautauvatataka na Aisea 53. Rauta na 148 B.K.
Wase 15
Na cava sa vakatokai kina ko Karisito me Tamana kei na Luvena—Sa vakamamasu ko Koya ena vukudra ka na colata na talaidredre ni Nona tamata—Era Nona kawa ko ira kei ira na parofita tabu—Sa rawata ko koya na tucake tale—Era sa taukena na gonelalai na bula tawamudu. Rauta na 148 B.K.
Wase 16
Ena sereki ira na tamata mai na nodra lakosese kei na nodra lutu na Kalou—Ko ira era vakavuravura era na tu ga me vaka ni se sega ni yaco e dua na veisereki—Sa rawata na Karisito na tucake tale mai na mate ki na bula tawacava se ki na veivakararawataki ka tawa cava. Rauta na 148 B.K.
Wase 17
Sa vakabauta ka vola na vosa i Apinatai ko Alama—Sa vakamatei ena bukawaqa ko Apinatai—E parofisaitaka ko koya na mate veitauvi kei na mate ena bukawaqa kivei ira era vakamatei koya. Rauta na 148 B.K.
Wase 18
Sa vunau vakavunivuni voli yani ko Alama—Sa vakaraitaka yani ko koya na veiyalayalati ni papitaiso ka sa veipapitaisotaki ena wai ko Momani—Sa tauyavutaka ko koya na Lotu i Karisito ka tabaki ira na bete—A ra sa qaravi ira ga vakaira ka vakavulici ira na tamata—Era sa dro tani mai vua na Tui ko Noa, ko Alama kei ira na nona tamata ka ra sa lako yani ki na lekutu. Rauta na 147–145 B.K.
Wase 19
Sa segata me vakamatei Noa na Tui ko Kitioni—Era sa valuta na vanua na Leimanaiti—Sa vakamatei ena bukawaqa ko Noa na Tui—Sa veiliutaki ko Limiai me ivukevuke vua na tui levu. Rauta na 145–121 B.K.
Wase 20
Era sa drotaki na luvedra goneyalewa na Leimanaiti mai vei ira na bete i Noa na tui—Era sa vakacibiivalu na Leimanaiti vei Limiai kei ira na nona tamata—Era sa vakadrukai ka vakayalovinakataki na mataivalu ni Leimanaiti. Rauta na 145–123 B.K.
Wase 21
Era sa yaviti ka vakadrukai na tamata i Limiai mai vei ira na Leimanaiti—Era sa sota vata kei Amoni ko ira na tamata i Limiai ka ra sa saumaki—Era sa tukuna vei Amoni me baleta na ruasagavulu ka va na nodra peleti na Jeretaiti. Rauta na 122–121 B.K.
Wase 22
Era sa vakavakarau na tamata me ra dro mai na nodra veivakabobulataki na Leimanaiti—Era sa vakamatenitaki na Leimanaiti—Era sa dro lesu na tamata ki Saraemala, ka yaco mera liutaki mai vei Mosaia na Tui. Rauta na 121–120 B.K.
Wase 23
Sa sega ni vakadonuya ko Alama me tui—Sa veiqaravi vaka bete levu—Sa totogitaki ira na Nona tamata na Turaga, ka ra sa rawata na vanua ko Ilami ko ira na Leimanaiti—Sa veiliutaki ena ruku ni veiliutaki vakatui nodra na Leimanaiti ko Emuloni, na nodra iliuliu na bete dau caka ca i Noa na Tui. Rauta na 145–121 B.K.
Wase 24
Sa vakacacani Alama kei ira na nona tamata ko Emuloni—Era na vakamatei kevaka era masu—Sa vakamamadataka na Turaga na nodra icolacola—Sa sereki ira ena nodra vakabobulataki, era sa lako ki Saraemala. Rauta na 145–120 B.K.
Wase 25
Sa yaco me ra Nifaiti na kawa i Muleki e Saraemala—Era sa vuli mai vei ira na tamata i Alama kei Senifi—Sa papitaisotaki Limiai kei ira kece na nona tamata ko Alama—Sa vakadonuya vei Alama ko Mosaia me tauyavutaka na Lotu ni Kalou. Rauta na 120 B.K.
Wase 26
Era sa vagolei e vuqa na lewe ni lotu ki na ivalavala ca mai vei ira na tawavakabauta—Sa yalataki vei Alama na bula tawamudu—Era sa rawata na veivosoti ko ira sa veivutuni ka papitaisotaki—Era na vosoti ko ira na lewe ni lotu era ivalavala ca, ni ra sa veivutuni ka vakatutusa vei Alama kei na Turaga; kevaka e sega, era na sega ni wilivata kei ira na lewe ni Lotu. Rauta na 120–100 B.K.
Wase 27
Sa vakatabuya na veivakacacani ko Mosaia ka rekitaka na veivakatautauvatataki—Eratou sa segata me vakarusa na lotu ko Alama lailai kei iratou e lewe va na luvei Mosaia—Sa rairai mai e dua na agilosi ka vakarota me ra muduka na nodra inaki ca—Sa galu ko Alama—Me ra na sucu tale na tamata kece me ra na qai vakabulai—Eratou sa kacivaka na itukutuku rekitaki ko Alama kei ira na luvei Mosaia. Rauta na 100–92 B.K.
Wase 28
Era sa laki vunau vei ira na Leimanaiti ko ira na luvei Mosaia—Sa vakayagataka ko Mosaia e rua na vatu ni daurairai, me vakadewataka kina na nodra peleti na Jeretaiti. Rauta na 92 B.K.
Wase 29
Sa vakatura ko Mosaia me ra digitaki na turaganilewa me isosomi ni tui—Na tui tawadodonu ena kauti ira na tamata ki na ivalavala ca—Sa digitaki mai na domodra na tamata ko Alama lailai me turaganilewa—O koya e dua na bete levu ena lotu—E rau sa mate ko Alama levu kei Mosaia. Rauta na 92–91 B.K.

Tabaka

Okata na veika e vakatakilakilataki kei na laini

Curu iloma mo vakayagataka

Okata na ivakamacala e ra