Alama

iVola i Momani

Lewe ni iVola
iVakamacala Taumada kei na iVakadinadina
1 Nifai
2 Nifai
Jekope
Inosi
Jeromi
Omanai
Vosa i Momani
Mosaia
Alama
Ilamani
3 Nifai
4 Nifai
Momani
Ica
Moronai

Alama

Wase 1
Sa vakatavuvulitaka na ivakavuvuli lasu ko Neori, tauyavutaka e dua na lotu, vakatekivuna na bete vakailasu, ka vakamatei Kitioni—Sa vakamatei ko Neori ena vuku ni nona cala—Sa tete ena kedra maliwa na tamata na bete vakailasu kei na veivakasewasewani—Era sa qaravi ira vakai ira na bete, era sa qaravi ira na dravudravua ko ira na tamata, ka sa tubu na Lotu. Rauta na 91–88 B.K.
Wase 2
Sa segata me tui ko Emelesai ka sa saqati mai na domodra na tamata—Era sa buli koya me tui ko ira na dau muri koya—Era sa valuti ira na Nifaiti ko ira na Emelesaiti ka ra sa vakadrukai—Era sa cokovata na Leimanaiti kei ira na Emelesaiti ka ra sa vakadrukai—Sa vakamatei Emelesai ko Alama. Rauta na 87 B.K.
Wase 3
Era sa vakatakilakilataki ira na Emelesaiti me vaka na vosa ni parofisai—Era sa cudruvi na Leimanaiti ena nodra vakaduiduile—Era sa vakavuna ga na tamata na nodra cudruvi—Era sa vakadruka ko ira na Nifaiti e dua tale na mataivalu ni Leimanaiti. Rauta na 87–86 B.K.
Wase 4
Sa veipapitaisotaki ko Alama vei ira na udolu vakaudolu era sa saumaki—Sa curu na caka ca ena Lotu, ka sa drakidrakita na toso ni Lotu—Sa digitaki ko Nifaia me turaganilewa levu—Sa tamusuki koya ki na cakacaka ni lotu ko Alama, na bete levu. Rauta na 86–83 B.K.
Wase 5
Me ra rawata kina na veivakabulai, sa dodonu me ra veivutuni na tamata ka muria na ivakaro, me ra sucu tale, me vakasavasavataka na nodra isulu ena dra i Karisito, me ra yalomalumalumu ka kauta laivi na dokadoka kei na vuvu, ka cakava na cakacaka ni ivalavala dodonu—Na iVakatawa Vinaka sa kacivi ira na Nona tamata—Ko ira era dau vakayacora na ca era sa luve ni tevoro—Sa vakadinadinataka ko Alama na dina ni nona ivunau ka sa vakaroti ira na tamata me ra veivutuni—Ena volai na yacadra na ivalavala dodonu ena ivola ni bula. Rauta na 83 B.K.
Wase 6
Sa vakasavasavataki na Lotu mai Saraemala ka sa vakotori vakadodonu—Sa lako ki Kitioni ko Alama me vunau kina. Rauta na 83 B.K.
Wase 7
Ena sucu mai vei Meri na Karisito—Ena tasereka ko koya na ivau ni mate ka colata na nodra ivalavala ca na Nona tamata—Ko ira era veivutuni, ka papitaisotaki, ka maroroya na ivakaro ena nodra na bula tawamudu—Na dukadukali ena sega ni taukena na matanitu ni Kalou—Sa gadrevi na yalomalumalumu, vakabauta, vakanuinui, kei na loloma uasivi. Rauta na 83 B.K.
Wase 8
Sa vunau ka veipapitaisotaki mai Mileki ko Alama—Sa sega ni vinakati mai Amonaia ko koya ka lako tani mai kina—Sa vakaroti koya e dua na agilosi me lesu tale ka vunautaka na veivutuni vei ira na tamata—Sa ciqomi koya ko Amuleki, ia erau sa vunau mai Amonaia. Rauta na 82 B.K.
Wase 9
Sa vakaroti ira na kai Amonaia ko Alama me ra veivutuni—Ena qai yalololoma na Turaga ki vei ira na Leimanaiti ena veisiga mai muri—Kevaka e ra biuta laivi na rarama ko ira na Nifaiti era na vakarusai mai vei ira na Leimanaiti—Sa voleka mai na luve ni Kalou—Ko koya ena qai sereki ira era sa veivutuni, papitaisotaki, ka vakabauta na Yacana. Rauta na 82 B.K.
Wase 10
Sa kawa i Manasa ko Liai—Sa nanuma lesu ko Amuleki na ivakaro ni agilosi me maroroi Alama—Na nodra masu na yalododonu sa vakavuna me ra vakabulai na tamata—Ko ira na loya kei na turaganilewa sega ni dodonu era a vakaduria na yavu me ra vakarusai kina na tamata. Rauta na 82 B.K.
Wase 11
Sa vakamacalataki na nodra ivakarau ni ilavo na Nifaiti—Sa veiba vata kei Sisoromi ko Amuleki—Ena sega ni vakabulai ira na tamata ena nodra ivalavala ca na Karisito—Ko ira ga era na taukena na matanitu vakalomalagi era na vakabulai—Era na tucake na tamata kecega me ra tawa mate rawa—Ena sega na mate ni sa oti na Tucake Tale. Rauta na 82 B.K.
Wase 12
Sa veivosaki vata kei Sisoromi ko Alama—Ena soli ga na veika vuni ni Kalou vei ira na vakabauta—Era na lewai na tamata ena nodra vakasama, vakabauta, vosa, kei na cakacaka—Era na mate vakayalo ko ira na caka ca—Na bula oqo e itutu ni vakatovolei—Na ituvatuva ni veisereki sa yaco kina na Tucake Tale, ia ena vakabauta, na bokoci ni ivalavala ca—Era na kaya ko ira era sa veivutuni ni sa nodra na loloma cecere ena Luvena e Duabau Ga. Rauta na 82 B.K.
Wase 13
Era sa lesi na tagane me ra bete levu ena vuku ni kaukauwa ni nodra vakabauta kei na nodra cakacaka vinaka—Me ra vakavulica na ivakaro—Era sa vakatabui ena vuku ni nodra yalododonu ka curu ki na nona ivakavakacegu na Turaga—Sa dua vei ira oqo ko Melikiseteki—Era sa kacivaka tiko na itukutuku rekitaki ko ira na agilosi ena vanua taucoko—Era na tukuna na nona lako dina mai na Karisito. Rauta na 82 B.K.
Wase 14
Erau sa biu ki na vale ni veivesu ka vakanakuitataki ko Alama kei Amuleki—Era sa vakamai ena bukawaqa ko ira na vakabauta vata kei na nodra ivolanikalou tabu—Ko ira oqori ka ra sa vakamatei ena vuku ni nodra vakabauta ena ciqomi ira na Turaga ena lagilagi—Sa kavida ka qera na lalaga ni valeniveivesu—Erau sa qai sereki ko Alama kei Amuleki, ka ra vakamatei ko ira era a vakararawataki rau. Rauta na 82–81 B.K.
Wase 15
Erau sa lako ki Saitomi ko Alama kei Amuleki me tauyavutaka kina e dua na Lotu—Sa vakabulai Sisoromi o koya sa curu ki na lotu ko Alama—Era sa lewelevu sa papitaiso, ka sa tubu sara na lotu—Erau sa lako ki Saraemala ko Alama kei Amuleki. Rauta na 81 B.K.
Wase 16
Era sa vakarusai ira na tamata mai Amonaia ko ira na Leimanaiti—Sa liutaki ira na Nifaiti ko Soramu me ra rawati ira na Leimanaiti—Era sa vunautaka na vosa ko Alama kei Amuleki kei na vuqa tale—Era vakavuvulitaka ni na laki rairai na Karisito kivei ira na Nifaiti ni oti na Nona Tucake tale. Rauta na 81–77 B.K.
Wase 17
Sa tu vei ira na luvei Mosaia na yalo ni parofisai kei na ivakatakila—Era sa lako yani ena nodra sala e vuqa me ra vunautaka na vosa vei ira na Leimanaiti—Sa lako yani ko Amoni ki na vanua ko Isimeli ka yaco me dauniveiqaravi nei Lamonai na Tui—Sa vakabula ko Amoni na nona qele ni manumanu na tui ka vakamatei ira na nona meca ena wai ko Sepusi. Tikina e 1–3, rauta na 77 B.K.; tikina 4, rauta 91–77 B.K.; kei na tikina e 5–39, rauta na 91 B.K.
Wase 18
Sa nanuma ko Lamonai na tui ni sa dua na Yalo Cecere ko Amoni—Sa vakavulica na tui, ko Amoni me baleta na Veibuli, veiwekani ni Kalou kei ira na tamata, kei na veisereki ka yaco ena vuku i Karisito—Sa vakabauta ko Lamonai ka bale sobu ki na qele me vaka ni sa mate. Rauta na 90 B.K.
Wase 19
Sa ciqoma ko Lamonai na rarama ni bula tawavakaiyalayala ka raica na Dauveivueti—Sa matalia na nodra rai na nona matavuvale, ka levu era raica na agilosi—Sa veivakurabuitaki na nona maroroi ko Amoni—Sa papitaisotaka e lewe levu ka tauyavutaka na lotu vei ira. Rauta na 90 B.K.
Wase 20
Sa talai Amoni na Turaga ki Mitonai me laki sereki ira mai na wekana era vesu tu—Erau sa sotavi tamai Lamonai, o koya sa tui ena vanua taucoko, ko Amoni kei Lamonai—Sa vakaukauwataka ko Amoni na tui qase me vakadonuya na nodra sereki na wekana. Rauta na 90 B.K.
Wase 21
Sa vakavulici ira na Amelekaiti ko Eroni me baleti Karisito kei na Nona Veisorovaki—Era sa tiko vakavesu mai Mitonai ko Eroni kei ira na wekana—Ni oti na nodra sa sereki, era sa qai ia na veivakavulici ena vei valenilotu ka vakavuna me ra saumaki mai e lewe levu—Sa vakadonuya ko Lamonai na galala vakalotu vei ira na tamata ena vanua ko Isimeli. Rauta na 90–77 B.K.
Wase 22
Sa vakavulici tamai Lamonai ko Eroni me baleta na Veibuli, na Lutu i Atama, kei na ituvatuva ni veisereki ena vukui Karisito—Sa saumaki na tui kei ira kece na nona vuvale—Sa vakamacalataki na wasewasei ni vanua vei ira na Nifaiti kei na Leimanaiti. Rauta na 90–77 B.K.
Wase 23
Sa kacivaki na galala vakalotu—Era sa saumaki ko ira na Leimanaiti ena vitu na vanua kei na koro—Era sa vakatoka me yacadra na Anitai-Nifai-Liai ka ra sa galala mai na vosa ni veivakacacani—Era sa cata na dina ko ira na Amelekaiti kei na Emulonaiti. Rauta na 90–77 B.K.
Wase 24
Era sa valuti ira na tamata ni Kalou ko ira na Leimanaiti—Era sa reki vei Karisito na Anitai-Nifai-Liai ka ra sikovi mai vei ira na agilosi—Era sa digitaka me ra mate ia me ra kakua ni taqomaki ira ena ivalu—Sa lewelevu na Leimanaiti era sa saumaki mai. Rauta na 90–77 B.K.
Wase 25
Sa tete na nodra ivakarau kaukauwa na Leimanaiti—Era sa mate ko ira na nodra kawa na bete i Noa me vaka a parofisaitaka ko Apinatai—Era sa lewe levu na Leimanaiti era sa saumaki mai ka duavata kei ira na tamata na Anitai-Nifai-Liai—Era sa vakabauti Karisito ka muria na lawa i Mosese. Rauta na 90–77 B.K.
Wase 26
Sa vakacaucautaka na Turaga ko Amoni—Sa vakaukauwataki ira na yalodina na Turaga ka solia vei ira na kilaka—Ena vakabauta ga era na kauti ira mai kina e udolu na yalo ki na veivutuni ko ira na tamata—Sa tu vua na Kalou na kaukauwa taucoko ka kila na veika kecega. Rauta na 90–77 B.K.
Wase 27
E sa vakaroti Amoni na Turaga me liutaki ira na Anitai-Nifai-Liai ki na bula—Ni rau sa sota kei Alama, sa malumalumu ko Amoni ena levu ni nona marau—Era sa solia na Nifaiti na vanua ko Jerisoni vei ira na Anitai-Nifai-Liai—Era sa vakatokai me tamata i Amoni. Rauta na 90–77 B.K.
Wase 28
Era sa vakadrukai na Leimanaiti ena dua na ivalu rerevaki—Era sa vakamatei e udolu vakatini—Era sa vakararawataki tu me tawacava rawa ko ira na ivakarau ca; era sa marau tu me sega ni mudu ko ira na yalododonu. Rauta na 77–76 B.K.
Wase 29
Sa gadreva ko Alama me vunautaka na veivutuni ena kaukauwa ni agilosi—Sa soli ira na ivakavuvuli na Turaga ki na veimatanitu kecega—Sa vakacaucautaka na cakacaka ni Turaga ko Alama kei na nodratou qaqa ko Amoni kei iratou na wekana. Rauta na 76 B.K.
Wase 30
Ko Korio, na meca i Karisito, sa vakalialia na Karisito, na Veisorovaki, kei na yalo ni parofisai—E vakatavuvulitaka ko koya ni sega na Kalou, a sega ni lutu na tamata, sa sega na itotogi ni ivalavala ca, ka sega na Karisito—Sa vakadinadinataka ko Alama ni na qai lako mai na Karisito, ka ra sa ivakatakilakila ni sa dua tiko na Kalou na veika kecega—Sa cikeva ko Korio me dua na ivakatakilakila, sa yaco me galu ko koya—E a rairai vei Korio na tevoro me vaka e dua na agilosi ka vakavulici koya ena ka me tukuna—Sa buturaki sobu ko Korio ka mate. Rauta na 76–74 B.K.
Wase 31
Sa liutaka ko Alama na itavi ni nodra vakauti lesu mai na Soramaiti ka sa lutu tani—Era sa cakitaki Karisito ko ira na Soramaiti, ka vakabauta na ivakarau lasu ni veidigidigi, ka qaravi Kalou ena masu vakarautaki—Era sa vakasinaiti ena Yalo Tabu ko ira na daukaulotu—Sa seyavu na nodra rarawa ena nodra marautaki Karisito. Rauta na 74 B.K.
Wase 32
Sa vakavulici ira na dravudravua ka sa vakayalomalumalumutaki ira na nodra kune rarawa tiko ko Alama—Na vakabauta sai koya na vakanuinui ki na dua na ka dina e sega ni laurai—Sa vakadinadinataka ko Alama ni sa veiqaravi na agilosi vei ira na tagane, yalewa, kei na gone—Sa vakatautauvatataka ko Alama na vosa ki na sorenikau—E dodonu me teivaki ka vakabulabulataki—Qai tubu ki na dua na vunikau me na qai beti mai kina na vuanikau ni bula tawamudu. Rauta na 74 B.K.
Wase 33
A sa vakavulici ira na tamata ko Sinosi me ra masu ka qaravi Kalou ena veivanua kecega, ia ena kau laivi na veilewai ena vuku ni Luvena—A sa vakavulica ko Sinoki ni a soli mai na loloma cecere ena vuku ni Luvena—A sa laveta cake mai na lekutu o Mosese e dua na ivakaraitaki ni Luve ni Kalou. Rauta na 74 B.K.
Wase 34
Sa vakadinadinataka ko Amuleki ni vosa nei Karisito sa veivakabulai—Kevaka ena sega ni dua na veisorovaki e vakayacori, era na vakarusai na tamata kecega—Na lawa taucoko i Mosese e dusia na nona vakacabori me isoro na Luve ni Kalou—E yavutaki ena vakabauta kei na veivutuni na ituvatuva tawamudu ni veisereki—Mo ni masuta na veivakalougatataki ni bula vakayago kei na bula vakayalo—Na bula oqo sai koya na gauna me vakavakarautaki koya kina na tamata me sota kei na Kalou—Mo ni cakacakataka ga na nomuni vakabulai ena rere e mata ni Kalou. Rauta na 74 B.K.
Wase 35
Na vunautaki ni vosa sa vakarusa na nodra itovo qaseqase na Soramaiti—Era sa vakasavi ira na saumaki mai, ka ra sa laki tomani ira na tamata i Amoni mai Jerisoni—A sa rarawa ko Alama ena vuku ni nodra caka ca na tamata. Rauta na 74 B.K.
Wase 36
E sa vakadinadinataka ko Alama vei Ilamani na nona saumaki mai ni sa raica oti e dua na agilosi—E sa sotava ko koya na rarawa ni cudruvi ni yalo; sa kaciva ko koya na yacai Jisu, ka mani sucu va-Kalou—Sa vakasinaiti na yalona ena marau kamikamica—E raica e vuqa vakavuqa na agilosi ena nodra vakalagilagia na Kalou—E lewevuqa era saumaki ena nodra raica ka tovolea me vaka na nona a raica ka tovolea ko koya. Rauta na 74 B.K.
Wase 37
Era sa maroroi tu na peleti parasa kei na veivosa ni Kalou tale e so me kauta mai na yalo ki na veivakabulai—Era a vakarusai ko ira na Jeretaiti me baleta na nodra caka ca—Me taqomaki mai vei ira na tamata na nodra bubului kei na veiyalayalati vuni—Mo ni vakarorogotaka vua na Turaga na veika kece ko ni vakayacora—Me vaka ga ni sa veiliutaki vei ira na Nifaiti na Liaona, sa vakatalega kina na vosa i Karisito ni na liutaki ira yani na tamata ki na bula tawamudu. Rauta na 74 B.K.
Wase 38
E a vakacacani ko Sipiloni ena vuku ni yalododonu—Ko Karisito sa vuni veivakabulai, o koya na bula kei na rarama kei vuravura—Mo tarova na nomu gagano kecega. Rauta na 74 B.K.
Wase 39
Na ivalavala ca ni veidauci e sa ka vakasisila—Na ivalavala ca i Korianitoni e a vakavuna na nodra sega ni ciqoma na vosa na Soramaiti—Na veisereki i Karisito e vakabulai ira na yalodina ka ra a bula e liu. Rauta na 74 B.K.
Wase 40
Sa rawata ko Karisito na tucake tale ni tamata kecega—Ko ira na ivalavala dodonu era sa mate era na lako ki parataisi ia ko ira era sa dau caka ca era na laki tu ki na butobuto e tautuba me ra waraka kina na siga ni tucake tale—Era na vakalesui ki na kedra itutu dina ka taucoko na veika kece sara ena gauna ni Tucake Tale. Rauta na 74 B.K.
Wase 41
Ena gauna ni tucake tale era na basika na tamata ki na itutu ni marau tawacava se ki na rarawa tawacava—E sega ni kune kina na marau ena caka ca—Na tamata vakavuravura ena sega ni bula vata kei na Kalou e vuravura—Ko ira na tamata yadudua era na taukena ga ena gauna ni Veivakalesui tale mai na ivakarau kei na itovo era a vakayacora ena nodra bula e vuravura. Rauta na 74 B.K.
Wase 42
Sa gauna ni vakatovolei na bula ena vuravura oqo me rawa kina vua na tamata me veivutuni ka qarava na Kalou—Na Lutu e kauta mai na mate vakayago kei na mate vakayalo vei ira na tamata kecega—Sa yaco na veisereki ena vuku ni veivutuni—Sa veisorovaki na Kalou Vakaikoya ena vuku ni ivalavala ca ni vuravura—Sa baleti ira na veivutuni na loloma cecere—Ko ira kece na kena vo era sa vakatautaki ki na lewa dodonu ni Kalou—Sa yaco rawa na loloma cecere ena vuku ni veisorovaki—Ko ira walega na veivutuni vakaidina era na vakabulai. Rauta na 74 B.K.
Wase 43
Eratou sa vunautaka na vosa ko Alama kei iratou na luvena tagane—Era sa yaco me Leimanaiti ko ira na Soramaiti kei ira na ise ni Nifaiti—Era sa valuti ira na Nifaiti ko ira na Leimanaiti—Sa vakaiyaragitaki ira na Nifaiti ko Moronai ena iyaragi ni vala—Sa vakatakila vei Alama na Turaga na nodra ituvatuva ni ivalu na Leimanaiti—Era taqomaka na Nifaiti na nodra vale, na nodra galala, na nodra vuvale, kei na nodra lotu—Sa vakavolivoliti ira na Leimanaiti na nodrau mataivalu ko Moronai kei Liai. Rauta na 74 B.K.
Wase 44
E vakaroti ira na Leimanaiti ko Moronai me ra cakava e dua na veiyalayalati ni veisaututaki se me ra na vakarusai—E sega ni ciqoma ko Saraemana na ivakaro, ka sa tekivu tale na vala—E sa vakadrukai ira na Leimanaiti na mataivalu nei Moronai. Rauta na 74–73 B.K.
Wase 45
Sa vakabauta ko Ilamani na vosa i Alama—Sa parofisaitaka ko Alama na nodra vakarusai na Nifaiti—A sa vakalougatataka ka cudruva na vanua ko koya—E kena irairai ni sa kauti Alama cake na Yalo, me vakataki Mosese—Sa tubu na veileti ena Lotu. Rauta na 73 B.K.
Wase 46
Sa nakita ko Amalikaia me tui kina—Sa laveta ko Moronai na drotini ni galala—Sa vakauqeti ira na tamata me ra taqomaka na nodra lotu—Ko ira sa vakabauta vakaidina era sa vakatokai mera Lotu Vakarisito—Era na maroroi na ivovo ni kawa i Josefa—Era sa dro ki na vanua ko Nifai ko Amalikaia kei ira na se tani—Ko ira era sega ni tokona na cakacaka ni bula galala era sa vakamatei. Rauta na 73–72 B.K.
Wase 47
E sa kitaka ko Amalikaia na itovo qaseqase, na laba, kei na ivadi ca me tui kina vei ira na Leimanaiti—Era sa tamata ca ka vakarerevaki vakalevu sara mai vei ira na Leimanaiti ko ira na Nifaiti era a se tani. Rauta na 72 B.K.
Wase 48
Sa vakauqeti ira na Leimanaiti ko Amalikaia me ra saqati ira na Nifaiti—Sa vakavakarau ko Moronai me taqomaka na nodra inaki na lotu Vakarisito—E dau rekitaka ko koya na bula galala kei na sereki, ka sa tamata qaqa ni Kalou. Rauta na 72 B.K.
Wase 49
Era sa sega ni rawata na mataivalu ni Leimanaiti me ra kabata na koro lelevu ka viribaitaki vakavinaka tu ko Amonaia kei Noa—E sa vosavakacacataka na Kalou ko Amalikaia ka yalataka me na gunuva na dra i Moronai—Era sa tomana ko Ilamani kei ira na wekana na vakaukauwataki ni lotu. Rauta na 72 B.K.
Wase 50
E sa vakaukauwataka vakaivalu ko Moronai na nodra vanua na Nifaiti—Era sa tara e vuqa na veikoro lelevu—E sa yaco vei ira na Nifaiti na ivalu kei na veivakarusai ena gauna ni nodra caka ca ka itovo vakasisila—E sa vakadrukai ko Morienitoni kei na nona ilawalawa era a se tani, mai vei Tenikamu—E sa mate ko Nifaia, ka sa dabeca na nona itikotiko ni veilewai ko Paorani na luvena tagane. Rauta na 72–67 B.K.
Wase 51
Ko ira era via vakatui era segata me veisautaki na lawa ka vakaduri e dua na tui—Ko Paorani kei ira na tamata bula galala era sa tokoni mai na domodra na tamata—E sa cikevi ira era via vakatui ko Moronai me ra taqomaka na nodra vanua de ra na vakamatei—Era sa vesuka e levu na koro lelevu ka sa viribaitaki tu vakavinaka ko Amalikaia kei ira na Leimanaiti—E sabaya ko Tenikamu na nodra sa kaba mai na Leimanaiti ka vakamatei Amalikaia ena loma ni nona vale laca. Rauta na 67–66 B.K.
Wase 52
Sa sosomitaki Amalikaia ko Amoroni me tui vei ira na Leimanaiti—Eratou liutaki ira na Nifaiti ki na ivalu me ra qaqa kina vei ira na Leimanaiti ko Moronai, Tenikamu, kei Liai—E sa tauri lesu na koro levu ko Muleki, ia sa vakamatei ko Jekope na Soramaiti. Rauta na 66–64 B.K.
Wase 53
Era sa vakayagataki me ra tara nai itataqomaki ni ivalu ena koro levu ko Vanuasautu, ko ira na Leimanaiti era kaivesu—E sa vakavuna na nodra qaqa na Leimanaiti na nodra veiqati na Nifaiti—E sa liutaki ira e rua na udolu na luvedra gonetagane na tamata i Amoni ko Ilamani. Rauta na 64–63 B.K.
Wase 54
Erau veivosaki ko Amoroni kei Moronai me rau veisau kaivesu—Sa cikeva ko Moronai me ra vakasuka na Leimanaiti ka muduka na nodra dau kaba vakawasoma—Sa cikeva ko Amoroni me ra biuta na nodra iyaragi na Nifaiti ka vakarorogo vei ira na Leimanaiti. Rauta na 63 B.K.
Wase 55
Sa sega ni vinakata ko Moronai me veisau kaivesu—Era sa bacani me ra mateni, ko ira na nodra yadra na Leimanaiti, ka ra sereki ko ira na Nifaiti kaivesu—E tauri na koro ko Kiti ka sega ni dave kina na dra. Rauta na 63–62 B.K.
Wase 56
Sa vakauta yani ko Ilamani vei Moronai e dua na ivola ka vakamacalataka tiko kina na ilakolako ni valu kei ira na Leimanaiti—Erau sa qaqa ko Anitipasi kei Ilamani vei ira na Leimanaiti—Era sa vala ena kaukauwa e veivakurabuitaki na rua na udolu na gone tagane nei Ilamani, ia e sega ni dua vei ira me vakamatei. Tikina e 1, rauta na 62 B.K.; tikina e 2–19, rauta na 66 B.K.; kei na tikina 20–57, rauta na 65–64 B.K.
Wase 57
E sa vakamacalataka ko Ilamani na kena tauri ko Anitipara kei na soro kei na kena taqomaki ko Kumeni—Era sa vala ena yaloqaqa na nona cauravou ni Amonaiti; era sa mavoa kece sara, ia e sega ni dua e mate—Sa mai tukuna ko Kiti na nodra vakamatei kei na nodra dro ko ira na kaivesu ni Leimanaiti. Rauta na 63 B.K.
Wase 58
Eratou sa taura na koro levu ko Manitai ko Ilamani, Kiti kei Tiomana ena ivadi qaseqase—Era sa vakasuka na Leimanaiti—Era sa maroroi na nodra cauravou na tamata i Amoni ka ra sa tudei tu ena taqomaki ni nodra bula galala kei na nodra vakabauta. Rauta na 63–62 B.K.
Wase 59
Sa kerei Paorani ko Moronai me vakaukauwataka na mataivalu i Ilamani—Era sa taura na koro levu ko Nifaia ko ira na Leimanaiti—E sa cudruva na matanitu ko Moronai. Rauta na 62 B.K.
Wase 60
Sa kudruvaka ko Moronai vei Paorani na vakawelewele ni matanitu ena vuku ni mataivalu—Sa vakatara na Turaga na nodra yaviti na ivalavala dodonu—Me ra vakayagataka na Nifaiti na nodra kaukauwa taucoko kei na veika kece e tu vei ira me ra sereki ira vakai ira kina mai vei ira na kedra meca—Sa yalataka ko Moronai ni na valuta na matanitu ke sega ni soli yani na veivuke ki na nona veimataivalu. Rauta na 62 B.K.
Wase 61
Sa tukuna vei Moronai ko Paorani na sasaga ni kovei kei na saqati vakaukauwa ni matanitu—Era sa tauri Saraemala na tamata via vakatui ka era sa tovata kei ira na Leimanaiti—Sa kerea ko Paorani na veivuke vakaivalu me ra sotavi kina o ira era veisaqasaqa tiko. Rauta na 62 B.K.
Wase 62
Sa laki vukei Paorani ena vanua ko Kitioni ko Moronai—Era sa vakamatei na tamata via vakatui era bese ni taqomaka na nodra vanua—Erau sa taura lesu tale ko Moronai kei Paorani na vanua ko Nifaia—Era lewevuqa na Leimanaiti era sa mai tovata kei ira na tamata i Amoni—Sa vakamatei Amoroni ko Tenikamu ka a qai vakamatei tale ga—Era sa vakasevi tani na Leimanaiti mai na vanua, ka sa vakadeitaki na tiko sautu—Sa lesu tale ko Ilamani ki na cakacaka ni kaulotu ka sa tara cake kina na Lotu. Rauta na 62–57 B.K.
Wase 63
A liu o Sipiloni ka qai muri o Ilamani ena kena tauri na itukutuku tabu—Era sa lako ki na vanua ena vualiku e vuqa na Nifaiti—Sa ta waqa ko Akoca, ka ra soko yani ki na wasawasa ena ra—Sa vakadrukai ira na Leimanaiti ena ivalu ko Moronaia. Rauta na 56–52 B.K.