3 Nifai

iVola i Momani

Lewe ni iVola
iVakamacala Taumada kei na iVakadinadina
1 Nifai
2 Nifai
Jekope
Inosi
Jeromi
Omanai
Vosa i Momani
Mosaia
Alama
Ilamani
3 Nifai
4 Nifai
Momani
Ica
Moronai

3 Nifai

Wase 1
Sa biuta na vanua ka lako yani ko Nifai na luvei Ilamani, ka sa maroroya na ivolatukutuku ko Nifai na luvena—E dina ga ni sa levu tu na vei ivakatakilakila kei na ka veivakurabuitaki, era sa nakita ga na tamata cakaca me ra yaviti ira na ivalavala dodonu—Sa yaco mai na bogi ni nona sucu na Karisito—Sa soli mai na ivakatakilakila, ka sa cabe e dua na kalokalo vou—Sa tubu cake na lasu kei na veidabui, ka ra sa yavita e vuqa ko ira na daubutako i Ketianitoni. Rauta na 1–4 S.K.
Wase 2
Sa tubu cake na cakaca kei na veika vakasisila ena kedra maliwa na tamata—Era sa duavata na Nifaiti kei na Leimanaiti me ra taqomaki ira mai vei ira na daubutako i Ketianitoni—Era sa vulavula mai na Leimanaiti era sa saumaki ka ra sa vakatokai me Nifaiti. Rauta na 5–16 S.K.
Wase 3
Sa vinakata ko Kitianai, na nodra iliuliu na Ketianitoni, me soro ko Lakoniasi kei ira na Nifaiti ka ra solia tale ga na nodra vanua—Sa lesi Kitikitonai ko Lakoniasi me turaganivalu liu ni veimataivalu—Era sa soqoni vata na Nifaiti e Saraemala kei Vanuasautu me ra taqomaki ira kina vakaira. Rauta na 16–18 S.K.
Wase 4
Era sa vakadrukai ira na daubutako i Ketianitoni na nodra veimataivalu na Nifaiti—Sa vakamatei ko Kitianai, ka kuna na kena isosomi ko Semanaraia—Era sa vakacaucautaka na Turaga ko ira na Nifaiti ena vuku ni nodra qaqa. Rauta na 19–22 S.K.
Wase 5
Era sa veivutuni ko ira na Nifaiti ka biuta vakadua na nodra ivalavala ca—Sa vola ko Momani na kedra itukutuku na nona tamata ka tukuna talega vei ira na vosa tawavakaiyalayala—Ena vakasoqoni vata tale ko Isireli mai na gauna balavu ni nona veiseyaki voli. Rauta na 22–26 S.K.
Wase 6
Era sa tiko sautu na Nifaiti—Sa tubu na qaciqacia, na vutuniyau kei na veivakaduiduitaki—Sa tawasei na Lotu ena vuku ni veisei—Sa liutaki ira na tamata ko Setani ki na veisaqasaqa—Era sa tagicaka na veivutuni e vuqa vei ira na parofita ka ra sa yaviti—Era sa nakita lo na daulaba me ra vuaviritaka na matanitu. Rauta na 26–30 S.K.
Wase 7
Sa labati na turaganilewa levu, sa vakarusai na matanitu, ka ra wasewasei vakayavusa na tamata—Sa tui ni dua na isoqosoqo vuni ko Jekope e dua na meca i Karisito—Sa vunautaka ko Nifai na veivutuni kei na vakabauta na Karisito—Era sa qaravi koya na agilosi ena veisiga, ka vakaturi tacina tale mai na mate—Era sa veivutuni ka papitaiso e lewevuqa. Rauta na 30–33 S.K.
Wase 8
Era sa tukuna na mate i Karisito ena kauveilatai na cagilaba, na uneune, na bukawaqa, na covulaca, kei na yavavala ni vanua—Era sa vakarusai e lewevuqa na tamata—Sa ubia na vanua na butobuto me tolu na siga—Era sa lolositaka na nodra cakacala ko ira era sa vo tu. Rauta na 33–34 S.K.
Wase 9
Sa vosa mai na domoi Karisito, mai na butobuto, ni ra na vakarusai e vuqa na tamata kei na nodra veikoro ena vuku ni nodra caka ca—Sa tukuna talega mai ni sa mai vua na Kalou ko Koya, sa vakaraitaka ni sa vakayacori taucoko na lawa i Mosese, ka sureti ira na tamata me ra lako mai Vua ka vakabulai. Rauta na 34 S.K.
Wase 10
Sa vakanomodi na vanua me vuqa na auwa—Sa yalataka na domoi Karisito ni na vakasoqoni ira vata na Nona tamata me vaka sa vakasoqoni ira vata na luvena na tina ni toa—Era sa maroroi na iwase ni tamata ivalavala dodonu cake. Rauta na 34–35 S.K.
Wase 11
Sa vakadinadinataka na Luvena Daulomani na Tamada—Sa rairai na Karisito ni sa tucake tale mai na mate ka tukuna na Nona Veisorovaki—Era sa tara ko ira na tamata na we ni mavoa e Ligana kei na yavana kei na sarisarina—Era sa kailavaka na Osana—Sa vakatavuvulitaka o koya na ivakarau kei na ivalavala ni papitaiso—Sa mai vua na tevoro na yalo ni veileti—A ivakavuvuli i Karisito sai koya me vakabauta na tamata ka me papitaiso ka ciqoma na Yalo Tabu. Rauta na 34 S.K.
Wase 12
Sa kacivi iratou ka lesi iratou na lewe tinikarua na tisaipeli ko Jisu—Sa solia vei ira na Nifaiti e dua na ivunau ka tautauvata ga kei na Vunau mai na Ulunivanua—Sa vosataka na Vunau ni Veivakalougatataki—Sa uasivi cake ka liu taumada na nona ivakavuvuli mai na lawa i Mosese—Era sa vakaroti na tamata me ra vinaka sara me vaka sa vinaka sara o Koya kei Tamana—Vakatautauvatataka na Maciu 5. Rauta na 34 S.K.
Wase 13
Sa vakatavulica ko Jisu vei ira na Nifaiti na Masu ni Turaga—Me ra na maroroya na iyau mai lomalagi—Era sa vakaroti na lewe tinikarua na tisaipeli me ra kakua ni leqataka na veika vakayago ena nodra cakacaka vakalotu—Vakatautauvatataka na Maciu 6. Rauta na 34 S.K.
Wase 14
Sa vakarota ko Jisu: Kakua ni daulelewa; dau kerekere vua na Kalou; qarauni ira na parofita vakailasu—Sa yalataka na veivakabulai kivei ira era cakava na lomai Tamada—Vakatautauvatataka na Maciu 7. Rauta na 34 S.K.
Wase 15
Sa vakarorogotaka ko Jisu ni sa vakayacora ko Koya na lawa i Mosese—Sa i ira na Nifaiti na so tani tale na sipi ka a vosa kina ko Koya mai Jerusalemi—Era sa sega ni kila na nona tamata na Turaga mai Jerusalemi na sipi ni Isireli era sa veiseyaki tu ena vuku ni nodra cakacala. Rauta na 34 S.K.
Wase 16
Ena sikovi ira na sipi tale e so ni Isireli era sa yali ko Jisu—Ena yaco na kosipeli ena siga mai muri kivei ira na kai Matanitu Tani ka qai lako ki na mataqali i Isireli—Era na veirai e matadra na tamata ni Turaga ena gauna ena vakalesui Saioni tale mai kina ko Koya. Rauta na 34 S.K.
Wase 17
Sa vakasalataki ira na tamata ko Jisu me ra vakananuma e lomadra na Nona vosa ka masulaka me ra kila—Sa vakabulai ira na nodra tauvimate—Sa masulaki ira na tamata, ka vakayagataka na vosa sa sega ni volai rawa—Era sa qaravi ira na nodra lalai ko ira na agilosi ka sa vakavolivoliti ira na bukawaqa. Rauta na 34 S.K.
Wase 18
Sa tauyavutaka ko Jisu na sakaramede ena kedra maliwa na Nifaiti—Era sa vakaroti me ra dau masu tiko ga ena Yacana—Era na cudruvi ko ira era kania na Lewena ka gunuva na Nona dra ka sega ni bula ganita—Sa soli na kaukauwa vei iratou na tisaipeli me ratou solia na Yalo Tabu. Rauta na 34 S.K.
Wase 19
Eratou sa vakalotutaki ira na tamata na le tinikarua na tisaipeli ka ratou masu ka kerea me tiko kei ira na Yalo Tabu—Eratou sa papitaisotaki na tisaipeli ka ciqoma na Yalo Tabu kei na nodra veiqaravi na agilosi—Sa masu ko Jisu ka vakayagataka na vosa e sega ni volai rawa—Sa tukuna na cecere ni nodra vakabauta na Nifaiti oqo. Rauta na 34 S.K.
Wase 20
Sa vakarautaka na madrai kei na waini ko Jisu ena sala e veivakurabuitaki ka qarava na cakacaka ni sakaramede kivei ira na tamata—Era na qai kila na Turaga na nodra Kalou na ivovo i Jekope ka ra na taukena na Amerika—Sai Jisu na parofita ka vakataki Mosese, ka ra sa luve ni parofita ko ira na Nifaiti—Era na soqoni ki Jerusalemi e so tale na nona tamata na Turaga. Rauta na 34 S.K.
Wase 21
Ena vakasoqoni vata ko Isireli ena gauna e lako mai kina na iVola i Momani—Era na vakataudeitaki na kai Matanitu Tani me ra tamata galala e Amerika—Era na vakabulai kevaka era vakabauta ka talairawarawa kina; kevaka e sega, era na muduki tani ka vakarusai—Ena tara ko Isireli na Jerusalemi Vou, ka ra na lesu tale na veiyavusa era sa yali tu. Rauta na 34 S.K.
Wase 22
Ena vakataudeitaki ko Saioni kei na kena veiiteki ena veisiga mai muri, ka na vakasoqoni vata ko Isireli ena loloma cecere kei na ivalavala malua—Era na qaqa—Vakatautauvatataka na Aisea 54. Rauta na 34 S.K.
Wase 23
Sa vakadonuya ko Jisu na vosa i Aisea—Sa vakaroti ira na tamata ko Koya me ra vakasaqarai ira na parofita—Sa tomani ena kedra itukutuku na vosa i Samuela na Leimanaiti me baleta na Tucake Tale. Rauta na 34 S.K.
Wase 24
Ena vakarautaka na sala ni Karua ni Lako Mai na italatala ni Turaga—Ena dabe ena veilewai ko Karisito—Sa vakaroti ko Isireli me saumi ikatini kei na veisolisoli tale eso—Sa maroroi e dua na ivola ni vakananumi—Vakatautauvatataka na Malakai 3. Rauta na 34 S.K.
Wase 25
Era na vakamai me vaka na vu ni co o ira na daucaka ca, ena iKarua ni Lako Mai—Ena lesu tale mai ko Ilaijia ni bera na siga levu ka rerevaki ko ya—Vakatautauvatataka na Malakai 4. Rauta na 34 S.K.
Wase 26
Sa vakamacalataka na veika kecega mai na ivakatekivu ki na ivakataotioti ko Jisu—Era sa vosataka na gonelalai na veika talei ka sega ni volai rawa—Era sa taukena vata na veika kece ena kedra maliwa ko ira era lewe ni Lotu i Karisito. Rauta na 34 S.K.
Wase 27
Sa vakaroti ira ko Jisu me ra vakatoka na Lotu ena Yacana—Sa okati ena Nona kosipeli na nona itavi kei na nona isoro ni veivakaduavatataki—Sa vakaroti na tamata me veivutuni ka me papitaisotaki me na qai vakatabui mai na Yalo Tabu—Me ra vakataki Jisu. Rauta na 34–35 S.K.
Wase 28
Eratou sa gadreva e lewe ciwa mai vei iratou na le tinikarua na tisaipeli ka sa yalataki vei iratou e dua na ivotavota dodonu ena matanitu i Karisito ena gauna eratou na mate kina—Eratou sa gadreva na Lewe Tolu na Nifaiti ka sa soli vei iratou na kaukauwa me ratou rawa na mate ka me ratou tiko ga kina e vuravura me yacova na nona lako tale mai ko Jisu—Eratou sa veisautaki vakayago ka raica na veika sa sega ni vakatarai me tukuni, ka ratou sa veiqaravi tiko ena kedra maliwa na tamata ena gauna oqo. Rauta na 34–35 S.K.
Wase 29
Sa dua na ivakatakilakila ni sa tekivu me vakasoqoni Isireli na Turaga ka vakayacora na Nona veiyalayalati na kena basika mai na iVola i Momani—Era na cudruvi ko ira era sega ni ciqoma na nona ivakatakila kei na Nona vei isolisoli ni veisiga e muri. Rauta na 34–35 S.K.
Wase 30
Era sa vakaroti na Veimatanitu Tani ena gauna e muri me ra veivutuni, lako mai vei Karisito, ka wili vata kei ira na mataqali i Isireli. Rauta na 34–35 S.K.