Naan in Kam̧ool eo an Rikam̧ool ro Jilu

Aolep laļ ko, bwij ko, lo ko, im armej, ro jerbal in naaj ilo̧k, ren jeļā: Bwe kōm, kōn tūriam̧o kake an Anij Jemān, im ad Irooj Jisōs Kraist, eaar lo pileij ko ļo̧o̧k in eaar itok jāni, eo ej ļo̧o̧k in armej ro an Nipai, im barāinwōt riLeman ro, im ro jeir im jatier, im barāinwōt armej ro an Jered, ro raar itok jān im̧ōn bar eo kar kōnono kake ijin. Im kōm barāinwōt jeļā bwe raar ukok kōn mennin letok im kajoor an Anij, bwe ainikien eaar kwaļo̧k e n̄an kōm; kōn menin kōm jeļā kōn juon joortokilik eo bwe bok in em̧ool. Im kōmij barāinwōt kam̧ool bwe kōm ar lo m̧wijm̧wij ko ioon pileij ko; im kar kwaļo̧ki n̄an kōm jān kajoor an Anij, im jab an armej. Im kōmij kam̧ool kōn naan in meļeļe, bwe juon enjeļ in Anij eaar wanlaļtak jān lan̄, im eaar būktok im likūti im̧aan mejam̧, bwe kōm ar jibwi im loi pileij kein, im m̧wijit ko ioer; im kōm jeļā bwe ej kōn jouj an Anij Jemān, im ad Irooj Jisōs Kraist, bwe kōmin lo im jeje kam̧ool bwe men kein rem̧ool. Im ej juon men ekabwilōn̄lōn̄ imejam. Mekarta, ainikien Irooj eaar jiron̄ kōm bwe kōmij aikuj jeje kam̧ool kōn e; kōn menin, n̄an pokake kien ko an Anij, kōmij jeje kam̧ool kōn men kein. Im kōm jeļā bwe n̄e kōmij tiljek ilo Kraist, kōm naaj joļo̧k jān nuknuk ko ballim bōtōktōkin aolep armej, im naaj lo kōm erreo im̧aan jikin ekajet an Kraist, im naaj jokwe Ippān indeeo im indeeo ilo lan̄ ko. Im utiej en n̄an Jemān, im n̄an Nejin, im n̄an Jetōb Kwōjarjar, eo ej juon wōt Anij. Amen