Vaega 114
Faaaliga na tuuina mai e ala mai ia Iosefa Samita le Perofeta, i Far West, Misuri, i le aso 11 o Aperila, 1838.
1–2, O tofiga o le Ekalesia ua umia e i latou o e e lē faamaoni o le a tuu atu i isi.
1 E moni ua faapea ona fetalai mai o le Alii: O le poto i la’u auauna o Tavita W. Patten, ia faamautu e ia ana pisinisi uma i le vave e mafai ai e ia, ma faia se faamatuuga atu o ana oloa, ina ia mafai ona faia e ia se misiona mo a’u i le tau totogo a sau, e faatasi ma isi, e oo lava i le toasefululua e aofia ai ma ia, e molimau atu i lo’u igoa ma folafola atu tala fiafia i le lalolagi atoa.
2 Aua e moni ua faapea ona fetalai mai o le Alii, e tusa ai ma le iai o ni isi o i latou o lo’o filogia ma outou o e e faafitia lo’u igoa, e i ai isi o le a faatutuina i o latou tulaga ma maua lo latou pulega faa-epikopo. Amene.