1 Mapenzi ya Bwana ni yapi juu ya Watakatifu katika eneo la Iowa?

2 Amini, hivyo ndivyo asemavyo Bwana, ninawaambia, kama wale wajiitao wenyewe kwa jina langu na wanajitahidi kuwa watakatifu wangu, kama watafanya mapenzi yangu na kushika amri zangu juu yao, acheni wajikusanye pamoja mahali ambapo nitawachagulia kwa njia ya mtumishi wangu Joseph, na waijenge miji kwa jina langu, ili wapate kuandaliwa kwa ajili ya kile kilicho wekwa kwa ajili ya wakati ujao.

3 Acheni waujenge mji kwa ajili ya jina langu juu ya ardhi iliyoko upande wa pili wa mji wa Nauvoo, na acheni jina la Zarahemla liitwe juu yake.

4 Na acheni wale wote wanaokuja kutoka mashariki, na magharibi, na kaskazini, na kusini, ambao wanataka kuishi humo, wachukue urithi wao humo humo, na pia katika mji wa Nashville, au katika mji wa Nauvoo, na katika vigingi vyote nilivyoviteua, asema Bwana.