Vaega 40
Faaaliga na tuuina mai ia Iosefa Samita le Perofeta ma Sini Rikitone, i Feiete, Niu Ioka, i le aso 6 o Ianuari, 1831. I luma atu o le talafaamaumau o lenei faaaliga, na faapea mai le talafaasolopito a le Perofeta: “Ona ua teena e James [Covel] le afioga a le Alii, ma ua toe foi atu i ana mataupu autu ma ona tagata muamua, o lea na tuu mai ai ia te a’u ma Sini Rikitone le faaaliga lenei” (tagai i le vaega 39).
1–3, O le fefe i sauaga ma le popole i mea o le lalolagi ua mafua ai le teteeina o le talalelei.
1 Faauta, e moni Ou te fai atu ia te oulua, sa sa’o le loto o la’u auauna o James Covel i o’u luma, ona sa osifeagaiga o ia ma a’u o le a usiusitai o ia i la’u upu.
2 Ma sa ia talia le afioga a le Alii ma le fiafia, peitai sa vave ona faaosoosoina o ia e Satani; ma o le fefe i sauaga ma le popole i mea o le lalolagi ua mafua ai ona ia teena le afioga.
3 O le mea lea ua soli ai e ia la’u feagaiga, ma ua tumau pea ia te a’u e fai ia te ia e tusa ma le mea ua lelei ia te a’u. Amene.