Tasal 4
K’utb’esinb’il na’leb’ k’eeb’il rik’in xtz’uumal re laj Jose Smith li Profeet re lix yuwa’, aj Jose Smith, yuwa’b’ej, sa’ Harmony, Pennsylvania, Febrero 1829.
1–4, Li kawil ch’oolejil k’anjel naxkoleb’ lix taql li Qaawa’; 5–6, Li choxahil na’leb’ naxk’e xk’ulub’ileb’ choq’ re li k’anjel; 7, Li k’a’aq re ru re li Dios tento taasik’manq.
1 Anajwan k’ehomaq reetal, ok re chi k’utmank jun sachb’a-ch’oolejil k’anjel sa’ xyanqeb’ li ralal xk’ajoleb’ li winq.
2 Jo’kan ut, ex li nekex’ok chi k’anjelak chiru li Dios, k’ehomaq reetal naq texk’anjelaq chiru chi anchal eech’ool, eemetz’ew, eek’a’uxl ut eekawilal, re naq texxaqliiq chi maak’a’ eejitb’al chiru li Dios sa’ roso’jik li kutan.
3 Jo’kan ut, wi wan eerajom chi k’anjelak chiru li Dios, b’oqb’ilex sa’ li k’anjel;
4 Xb’aan naq k’ehomaq reetal, ak q’an ru li awimq choq’ re q’ole’k, ut ilomaq, ani naxch’ik lix setleb’ ch’iich’ rik’in lix metz’ew, a’an ajwi’ nak’uulan chi tamresinb’il re naq ink’a’ taa’oso’q; naxk’am b’an chaq xkolb’al li raam;
5 Ut li paab’aal, li yo’onink, li rahok ut li sahil ilok, chi junaj ru lix sa’ li ru sa’ lix loq’al li Dios, naxk’e xk’ulub’il choq’ re li k’anjel.
6 Chijultiko’q eere li paab’aal, li saq ruhil na’leb’, li nawok, lix kuyb’al eerib’, li kuyuk, lix chaab’ilal eech’ool rik’ineb’ lee ras eeriitz’in, li choxahilal, li rahok, li tuulanil, lix yalb’al eeq’e.
7 Chextz’aamanq, ut texk’uluq; chextoch’oq, ut taatehe’q cheru. Amen.