Chikamu 79
Zvakazarurwa zvakapihwa kuburikidza naJoseph Smith Muporofita, paHiram,Ohio, muna Kurume 1832 (History of the Church, 1:257).
1–4, Jared Carter anodaidzwa kuti aparidze vhangeri naMunyaradzi.
1 Zvirokwazvo ndinoti kwamuri, ichido changu kuti muranda wangu Jared Carter anofanira kuenda zvakare kunyika dzekumabvazuva, nzvimbo nenzvimbo, uye guta neguta, musimba rekugadzwa kwaakagadzwa nako, kuparidza mashoko akanaka emufaro mukuru, kunyangwe vhangeri rekusingaperi.
2 Uye ndichamutumira paari Mweya Munyaradzi, uyo achamudzidzisa chokwadi uye nenzira yaachaenda nayo;
3 Uye sekutendeseka kwaanenge akaita, ndichamupfekedza zvakare korona yemasvinga.
4 Nokudaro, rega mwoyo wako ufare, muranda wangu Jared Carter, uye usatye, vanodaro Ishe venyu, kunyangwe Jesu Kristu. Ameni.