Chikamu 13
Kugadzwa kwaJoseph Smith naOliver Cowdery kuHupirisita hwaAroni mumahombekombe eRwizi rweSusquehanna, pedyo neHarmony, Pennsylvania, musi wa15 Chivabvu, 1829 (History of the Church, 1:39–42). Kugadzwa uku kwakaitwa nemaoko engirozi yakazvisuma saJohane, mumwecheteyo anonzi Johane Mubapatidzi muTestamente Itsva. Ngirozi yakatsanangura kuti yakanga ichiita izvi iri pasi pekuraira kwaPetro, Jakobo naJohane, Vaapositori vepasichigare, vakanga vaine kiyi dzehupirisita hwepamusoro, hwaidaidzwa kuti hupirisita hwaMerkizedeki. Chivimbiso chakapihwa kuna Joseph naOliver kuti nekufamba kwenguva Hupirisita hwaMerkizedeki huchaiswa pavari. (Tarisa chikamu 27:7, 8, 12.)
Kiyi nemasimba eHupirisita hwaAroni anopihwa.
1 Panemi vamwe vangu varanda, muzita raMesiya ndinogadza Hupirisita hwaAroni, uhwo hunobata kiyi dzekushumira kwengirozi, uye nedzevhangeri rekutendeuka, uye nedzekubhabhatidzwa uchinyikwa kubvisa zvitadzo; uye izvi hazvizotorwa zvakare kubva panyika, kudakara vanakomana vaRevi vapira zvakare mupiro kuna Ishe mukururama.