Chikamu 126
Zvakazarurwa zvakapihwa kuburikidza naJoseph Smith Muporofita, mumba maBrigham Young, paNauvoo, Illinois 9Â Chikunguru 1841 (History of the Church, 4:382). Panguva iyi Brigham Young akanga ari Mutungamiri weChikwata cheVaapositori vaneGumi neVaviri.
1–3, Brigham Young anorumbidzwa pamusoro pebasa rake uye obva asunungurwa pakuzofamba achienda mhiri.
1 Mudiwa nehama inodiwa zvikuru, Brigham Young, zvirokwazvo ndizvozvinotaura Ishe kwauri: Muranda wangu Brigham, hazvichadiwa kwauri kuti usiye mhuri yako sezvaiitika munguva yakapfuura, nokuti mupiro wako unogashirwa neni.
2 Ndaona basa rako nokushanda kwako kwakaoma uchifambira zita rangu.
3 Ndinokuraira naizvozvo kuti utumire izwi rangu mhiri, uye kuti unyatsochengeta mhuri yako kubva panguva ino, zvichienda mberi uye nariini nariini. Ameni.