Hupirisita hwaAroni

Hupirisita hudiki (VaH. 7:11–12; D&Z 107:13–14). Zvinzvimbo zvahwo hubhishopi, hupirisita, hudzidzisi, nehudhikoni (D&Z 84:30; 107:10, 14–15, 87–88). Makare kare, pasi pemurau waMosesi, kwaive nevapirisita vepamusoro, vapirisita nemaRevi. Huprisita hwaAroni hwakaratidzwa kuna Mosesi nokuti maIsraeri epasichigare akanga apandukira Mwari. Vakaramba kutsveneswa kuti vagotambira Hupirisita hwaMerkizedeki nezvisungo zvahwo (D&Z 84:23–25). Hupirisita hwaAroni hunoona nezvezvisungo zvenyama nezvekunze zvemurau nevhangeri (Ⅰ Mak. 23:27–32; D&Z 84:26–27; 107:20). Ndihwo huno bata makii ekushanda kwe ngirozi, evhangeri rekutendeuka, nerubhabhatidzo (D&Z 13). Hupirisita hwaAroni hwakadzorerwa pasi mukuwo wenguva ino wevhangeri musi wa15 Chivabvu mugore ra1829. Johane Mubapatidzi akahugadza Joseph Smith naOliver Cowdery pamahombekombe erwizi rweSusquehanna, pedyo neHarmony, muPennsylvania (D&Z 13; Nh—JS 1:68–73).