Nifai, Mwanakomana waRihai
MuBhuku raMormoni, mwanakomana akarurama waRihai naSaria (1 Ni. 1:1–4; 2:5). Nifai aive nerutendo rwukuru mushoko raMwari (1 Ni. 3:7) uye akave muporofita mukuru, muchengeti wezvinyorwa, nemutungamiri wevanhu vake.
Bhuku ra1 Nifai
Zvitsauko 1 kusvika ku18:8 zvinotaura kunyanya nezvemuporofita Rihai nemhuri yake vachibva muJerusarema. Vakafamba nemumagwenga akanga asina chaanacho kudzamara vasvika kugungwa. 1 Ni. 18:9–23 inotaura nezverwendo rwavo nengarava kunyika yechipikirwa, sekutungamirwa kwavaiitwa naIshe, kana dai zvazvo Ramani naRemueri vakanga vapanduka. Zvitsauko 19–22 zvinotaura nechikonzero chaNifai chekuchengeta zvinyorwa (1 Ni. 6:1–6; 19:18)—Kunyengetedza vose kuti vayeuke Ishe Mununuri wavo. Akataura mazwi aIsaya (1 Ni. 20–21) uye akadudzira mazwi aitumirwa naIsaya, netariro yekuti vose vangasvike mukuziva Jesu Kristu neMuponesi Mununuri wavo (1 Ni. 22:12).
Bhuku ra2 Nifai
Zvitsauko 1–4 zvine zvimwe zvekudzidzisa kwaRihai kwekupedzisira nezviporofita zvake asati afa, zvichisanganisa maropafadzo pavanakomana vake nezvizvarwa zvavo. Chitsauko 5 chinotsanangura chikonzero chakaita kuti maNifai azvitsaure kubva mumaRamani. MaNifai akavaka temberi, vakadzidzisa murau waMosesi, uye vakachengeta zvinyorwa. Zvitsauko 6–10 zvine mazwi aJakobho, munin’ina waNifai. Jakobho akatarisa nhoroondo yaJuda uye akaporofita nezva Mesia, zvimwe zvacho zvakatorwa muzvinyorwa zvemuporofita Isaya. Muzvitsauko 11–33 Nifai akanyora umbowo hwake pamusoro paKristu, umbowo hwaJakobho, zviporofita zvemazuva ekupedzisira, nezvitsauko zvakawanda zvemuTestamente yaKare zvemubhuku raIsaya.