Tabernakeri

Imba yaIshe, musimboti wekunamata kweIsraeri munguva yekubva muEgipita. Tabernakeri yaive temberi yaikwanisa kutakurwa uye yaikwanisa kupunzwa ichizomiswa zvakare. Vana vaIsraeri vakashandisa tabernakeri kudakara vavaka temberi yaSoromoni (D&Z 124:38).

Mwari vakaratidza kugadzirwa kwetabernakeri kuna Mosesi (Eks. 26–27), uye vana vaIsraeri vakaivaka vachitevedza mutarirwa wayo (Eks. 35–40). Apo tabernakeri yakapera, guti rakaputira tende, nekubwinya kwaIshe kukazadza tabernakeri (Eks. 40:33–34). Guti raive chiratidzo chekuvepo kwaMwari. Usiku, yairatidzika semoto. Apo guti rakagara pamusoro petende, vana vaIsraeri vaibva vatema musasa. Rikange rafamba, vaifamba naro (Eks. 40:36–38; Num. 9:17–18). Vana vaIsraeri vaitakura tabernakeri panguva yekudzungaira kwavo mugwenga nemukukunda kwavo nyika yeKanani. Mushure mekukunda uku, tabernakeri yakaiswa kuShiro, nzvimbo iyo yakange Ishe vasarudza (Josh. 18:1). Mushre mekunge vana vaIsraeri vavaka temberi yaSoromoni, tabernakeri yakabva yashaika zvachose munhoroondo.

Ishe naIsaya vakashandisa tabernakeri semucherechedzo wemaguta eZioni neJerusarema panguva yekuuya kwaIshe kwechipiri (Isa. 33:20; Mos. 7:62).