Pauro

Muapositori wemuTestamente Itsva. Zita raPauro rechiHeberu rainzi Sauro, uye akaenda nezita iri kudakara kutanga kwemharidzo yake kuvaJentairi. Akambenge achitambudza Chechi asi akatendeudzirwa kuchokwadi charo mushure mekuona chiratidzo chaJesu Kristu. Pauro akaenda panzendo huru nhatu dzekushumira akanyora matsamba akawanda kuVatendi. Gumi neina dzetsamba idzi dzinoita chidimbu cheTestamente Itsva nhasi. Pekupedzisira akatorwa semusungwa kuRoma sezvoakauraiwa, zvimwe munguva yepfumvudza ya65 Kristu azvarwa.

Akafara nekutakwa kwaStefano namabwe, Mabasa 7:57–8:1.
Akatambudza vatendi, Mabasa 8:3.
Akanga achienda kuDamasiko Jesu paakazviratidza kwaari, Mabasa 9:1–9.
Akabhabhatidzwa naAnaniasi, Mabasa 9:10–18.
Mushure mekuzorora ari muArabia, akadzokera kuDamasiko kunoshumira, Mabasa 9:19–25 (VaG. 1:17).
Makore matatu mushure mekutendeuka kwake, akadzokera kuJerusarema, Mabasa 9:26–30 (VaG. 1:18–19).
Akaenda munzendo nhatu dzekushumira, achiparidza vhangeri achironga mapazi echechi munzvimbo dzakasiyana-siyana dzeushe hweRoma, Mabasa 13:1–14:26; 15:36–18:22; 18:23–21:15.
Paakadzokera kuJerusarema mushure merwendo rwake rwechitatu, akasungwa akatumirwa kuna Kesaria, Mabasa 21:7–23:35.
Akagara ari muusungwa muKesaria kwemakore maviri, Mabasa 24:1–26:32.
Akatumirwa kuRoma kunotongwa akakuturwa nengarava munzira, Mabasa 27:1–28:11.